Ruben Amorim i jep meritat kryesore Van Nistelrooy për formën fantastike të yllit të Man United

Në konferencën e tij të fundit për shtyp, Ruben Amorim ka duartrokitur paraardhësin e tij Ruud Van Nistelrooy për ndihëmn që i ka dhënë njërit prej lojtarëve të Manchester United.

Amorim mori fitoren e tij të parë në Ligën Premier teksa Manchester United fitoi pasditen e së dielës me rezultat 4-0 ndaj Evertonit falë golave të shënuar nga Marcus Rashford (2) dhe Joshua Zirkzee (2).

United nuk kishte qenë në gjendje që të fitonte një ndeshje në Ligën Premier me katër gola gjatë regjimit dy vjeçar të Erik Ten Hag, por Amorim arriti që të nxjerrë më të mirën nga lojtarët e tij, duke shënuar shtatë gola në dy ndeshje.

Për shumë tifozë, lojtari i momentit tek Unitedi që prej ardhjes së portugezit ka qenë Amad Diallo, i cili ndaj Evertonit dhuroi dy asistime.

Lexo po ashtu Man United mposht me spektakël Evertonin – Ruben Amorim merr fitoren e parë në kampionat

“Mendoj se ishte shumë e mirë, ai (Amad) është përmirësuar shumë. Që nga këto tri ditë, ai është përmirësuar shumë në fazën defanzive”.

“Ai ishte i fokusuar shumë në gjithçka, kështu që mendoj se ka bërë një punë mjaft të mirë”.

“Ruud Van Nistelrooy e ka ndihmuar atë në ndeshjet e tij në krye dhe tani ai po më ndihmon mua. Ai është në një moment të mirë, por ky moment ka nisur me Ruud, kështu që unë vetëm po e shfrytëzoj punën e Ruud me Amad”.

“Ai ishte shumë i mirë në defanzivë dhe shumë i mirë në sulm dhe duhet të vazhdojë që të luajë kështu”.

“Ju mund ta ndjenit në fund të ndeshjes se ai ishte shumë, shumë i lodhur kështu qe ne duhet ta menaxhojmë këtë dhe t’i rrisim aftësitë e tij fizike”, ka thënë Amorim./Telegrafi/