LAJMI I FUNDIT:

Rritet presioni për lejimin e referendumit të Serbisë në Kosovë, nga MPJD thonë se Serbia po synon të legjitimoj destabilizimin e veriut

Rritet presioni për lejimin e referendumit të Serbisë në Kosovë, nga MPJD thonë se Serbia po synon të legjitimoj destabilizimin e veriut

Presioni ndaj Qeverisë së Kosovës për të lejuar organizimin e referendumit të Serbisë në Kosovë, po vazhdon të rritet.

Së fundmi edhe shtetet e QUINT-it i kanë bërë thirrje Qeverisë së Kosovës që të lejojë Organizatën për Siguri dhe Bashkëpunim në Evropë të mbledh fletëvotimet e serbëve të Kosovës, sipas praktikave të kaluara.

Zëvendësministri i Ministrisë së Punëve të Jashtme dhe Diasporës, Kreshnik Ahmeti ka thënë se Serbia përmes kërkesave të ararsyeshme po synon të legjitimoj destabilizimit eventual të veriut të Republikës së Kosovës dhe të rajonit.


“Njohja e së drejtës së dikujt, nuk duhet të bëhet në kurriz të së drejtës së tjetrit. Prandaj, këto kërkesa të paarsyeshme të Serbisë nuk mund të legjitimohen nga praktikat e kaluara të cilat kanë shkelur sovranitetin e vendit. Serbia nëpërmjet këtyre kërkesave ka si synim vetëm legjitimin e destabilizimit eventual të veriut të Republikës së Kosovës dhe të rajonit”, shkruan ai.

Përmes një postimi në Facebook, ai ka deklaruar se nuk janë duke u shkelur të drejtat e qytetarëve serbë në Kosovë.

“E drejta e votimit nuk po i mohohet asnjë qytetari të Serbisë në Republikën e Kosovës. Por, kjo e drejtë nuk mund të manifestohet duke shkelur sovranitetin e vendin”, shkruan ai.

Tutje, Ahmeti shton se “Përderisa janë dy mundësi të lehta votimi për këta qytetarë, nëpërmjet postës dhe nëpërmjet Zyrës Ndërlidhëse të Serbisë në Republikën e Kosovës, çfarëdo kërkese shtesë nga Serbia është vetëm preteks për destabilizim eventual të vendit e rajonit. Si Republikë, jemi të barabartë mes fqinjëve tanë në rajon, prandaj duhet t’i shohim edhe praktikat e tyre në raport me pakicat serbe dhe me këtë proces votimi. Për më tepër, ne synojmë anëtarësimin në BE dhe duhet t’i shohim edhe praktikat e vendeve anëtare të cilat kanë pakica serbe”, shkruan Ahmeti.

Ndryshe, shtetet e QUINT-it po kërkojnë nga Qeveria e Kosovës që të lejoj OSBE-në të organizojë referendumin e Serbisë në territorin e Kosovës siç ishte praktikuar më herët në procese zgjedhore.

QUINT-i i bën thirrje Qeverisë së Kosovës të lejojë OSBE-në të organizojë referendumin e Serbisë në Kosovë
Lexo po ashtu QUINT-i i bën thirrje Qeverisë së Kosovës të lejojë OSBE-në të organizojë referendumin e Serbisë në Kosovë

Megjithëse presioni për Qeverinë e Kosovës që të lejojë këtë referendum ka ardhur edhe nga shefi i diplomacisë së Bashkimit Evropian, Josep Borrell dy ditë më parë, Qeveria e Kosovës është treguar e prerë në këtë çështje.

Qeveria e Kosovës e prerë për referendumin e Serbisë: E kemi bërë të qartë, votohet me postë, ose në Zyrën Ndërlidhëse në Prishtinë
Lexo po ashtu Qeveria e Kosovës e prerë për referendumin e Serbisë: E kemi bërë të qartë, votohet me postë, ose në Zyrën Ndërlidhëse në Prishtinë

Zëdhënësi i Qeverisë së Kosovës, Përparim Kryeziu ka folur për Telegrafin pasi shefi i diplomacisë së Bashkimit Evropian, Josep Borrell ka thënë se qytetarëve serbë në Kosovë duhet tu lejohet votimi në këtë referendum. /Telegrafi/

Në trend Lajme

Më shumë
Voziti në anën e kundërt në autostradën “Ibrahim Rugova” - dënohet me 500 euro dhe i ndalohet vozitja për një vit

Voziti në anën e kundërt në autostradën “Ibrahim Rugova” - dënohet me 500 euro dhe i ndalohet vozitja për një vit

Kronika e Zezë
Bashkimi Evropian “72 orë përgatitje për luftë”: Ekspertët tregojnë se çfarë duhet të bëjë Shqipëria

Bashkimi Evropian “72 orë përgatitje për luftë”: Ekspertët tregojnë se çfarë duhet të bëjë Shqipëria

Lajme
Policia nis dërgimin e gjobave në adresën e pronarit të automjetit

Policia nis dërgimin e gjobave në adresën e pronarit të automjetit

Lajme
Me forcë tentoi ta vë në gjumë 2-vjeçarin, edukatorja pranon fajësinë - dënohet me 250 euro gjobë

Me forcë tentoi ta vë në gjumë 2-vjeçarin, edukatorja pranon fajësinë - dënohet me 250 euro gjobë

Drejtësi
Policia në kërkim të dy personave nga Shqipëria, të dyshuar për drogë

Policia në kërkim të dy personave nga Shqipëria, të dyshuar për drogë

Kronika e Zezë
Kujdes, nga 3 prilli qytetarëve do ju dërgohen gjobat e trafikut në adresë të pronarit të veturës, përmes postës dhe platformës e-Kosova

Kujdes, nga 3 prilli qytetarëve do ju dërgohen gjobat e trafikut në adresë të pronarit të veturës, përmes postës dhe platformës e-Kosova

Lajme
Kalo në kategori