Aktorja dhe deputetja Adriana Matoshi, ka qenë shpesh herë e përfolur në mediat rozë për jetën e saj private.
Së fundmi, kanë qarkulluar raportime të shumta se mes saj dhe të dashurit të saj, Keith Groeneveld, ka pasur një krizë të mundshme në lidhjen e tyre.
E këto dyshime duket se i përforcon fakti se aktorja dhe ish-futbollisti afrikano-belg e kanë larguar njëri-tjetrin nga lista e ndjekësve në llogaritë e tyre përkatëse në Instagram.
Nuk dihet arsyeja që ka çuar dyshen deri në marrjen e këtij vendimi, mirëpo rëndom distancimi nga rrjetet sociale është bërë viteve të fundit një indikacion tregues për çiftet që ndahen.
Ka gjithashtu kohë që Adriana dhe Keith nuk kanë publikuar fotografi apo video të përbashkëta, teksa mësohet se ish-futbollisti ndodhet në Belgjikë kohëve të fundit.
Çifti i cili kanë një diferencë dyshifrore në moshë e konfirmuan lidhjen e tyre në tetor të vitit 2020, kur u përcjellën me kamerë nga emisioni “Prive” gjatë një shëtitje të tyre në parkun e Gërmisë.
Adriana ka qenë shumë e komentuar në rrjetet sociale për këtë lidhje, gjersa ka arritur mjaft mirë që t’i anashkalojë kritikat dhe komentet e shumta negative, duke zgjedhur të jetë e lumtur dhe e qetë në jetën e saj private. /Telegrafi/
