Rreth pesë milionë njerëz të infektuar në të gjithë botën nga coronavirusi

Numri i përgjithshëm i rasteve të coronavirusit në të gjithë botën ka kaluar shifrën prej pesë milionë, bazuar në të dhënat e Universitetit John Hopkins.

Sipas mediave të huaja, përcjell Telegrafi, diferencimi i niveleve të testimit (duke përjashtuar rastet në shtëpitë e kujdesit për të moshuar), si dhe vonesat kohore, do të thotë që numri i vërtetë i infeksioneve është ende më i lartë.

Ndryshe rastet e coronavirusit u shfaqën për herë të parë në Wuhan të Kinës, në fund të dhjetorit të vitit 2019.

Piku i rasteve vjen, pasi 106 mijë raste të reja u regjistruan në të gjithë botën gjatë 24 orëve të fundit – shifër kjo rekorde në një ditë të vetme deri më tani.

Rritja e të infektuarve shtyu Organizatën Botërore të Shëndetit të lëshojë një paralajmërim të ashpër të mërkurën, pasi pandemia është shumë larg përfundimit.

Kështu numri i të infektuarve aktualisht në të gjithë botën është pesë milionë, prej tyre 328 mijë persona kanë ndërruar jetë, ndërsa 1.9 milion të tjerë janë shëruar./Telegrafi/