Rregullat e reja për pastrimin e flokëve

Të gjithë i dimë rregullat e pastrimit të flokëve. Mirëpo, janë disa teknika shumë të fshehta të cilat ju mundësojnë që t’i pastroni flokët sikur një profesionist.

Blerina Gojani Ukmata
parukiere profesioniste
Qendra estetike-kozmetike “estethica”
044/049 344-284, 038/733-407
www.estethica-ks.com
facebook.com/estethica.prishtine

SI MUND T’I PASTROJMË FLOKËT SIKUR NJË PROFESIONIST
Jo të gjithë mund të ju përmbahemi rregullave të larjes së flokëve, sa shpesh i pastroni ju flokët kjo varet e gjitha nga cilësia e juaj e flokëve.

Flokët e hollë duhet të pastrohen çdo të dytën ditë, ndërsa flokët e trashë dhe të thatë mund të pastrohen çdo të tretën ditë ose 2 herë në javë.

Nëse i keni flokët në gjendje të mirë, atëherë për ta shmangur nxjerrjen e vajrave natyral të flokut tuaj, provoni ta zëvendësoni me kondicioner voluminoz në vend të shamponit tuaj në çdo larje tjetër.

MBAJENI TË ULUR TEMPERATUREN E UJIT
Gjasat janë se ju me siguri i lani flokët tuaj me ujë shumë të nxehtë, kjo tregon se ju i hapni gjëndrat dhe e bëni flokun të ndjeshëm ndaj thatësisë dhe thyerjes. Shamponin aplikoni tek flokët tuaj nën ujë të vakët, pastaj kaloni tek uji i ftohët para se te dilni nga dushi për t’i mbyllur gjëndrat e flokëve dhe t’i jepni një shkëlqim.

JU KENI NEVOJË PËR NJË SASI TË VOGËL TË SHAMPONIT
E gjithë koka apo lëkura juaj nuk ka nevojë të bëhet me shkumë për të marr një pastrim të mirë, (në fakt në qoftë se shamponi juaj është pa sulfate, nuk do të përhapet shumë në të gjithë sipërfaqen e lëkurës së kokës) por vetëm aplikoni duke bërë masazh në rrënjët e juaja dhe përdorimi i ujit ju ndihmon në përhapje të shamponit. Mundësisht të qëndrojë rreth 1 ose 2 minuta.

KONSIDERONI PËRDORIMIN E NJË MASKE TË FLOKËVE NË VEND TË KONDICIONERIT
Maskat janë mbrojtëse dhe hidratuese të flokëve sidomos për flokë të ngjyrosur me ngjyra të rënda. Maskat e tilla mund të gjinden në sallone profesionale.

Për flokët e trasha mund ta aplikoni maskën në gjithë kokën tuaj. Për flokët e hollë duhet të përqendrohet vetëm në skajet (majat) e flokëve. /Telegrafi/