Rrëfimi shokues i Gascoigne: E godita me kokë dhe grushte babanë pasi vdiq, si hakmarrje për të kaluarën

Ish-futbollisti anglez, Paul Gascoigne, ka rrëfyer se e kishte goditur me kokë dhe me grushte trupin e vdekur të babait të tij.

Mesfushori i dikurshëm, i cili ka veshur fanellat e klubeve, si Newcastle United, Tottenham Hotspur, Everton e Lazio, ka dhënë një intervistë shokuese për ‘The anything goes podcast’, të transmetuar nga The Sun.

“Kur ishim vetëm unë dhe ai në shtratin e spitalit dhe ndërroi jetë, unë u hodha mbi krevat dhe e godita. E godita me kokë dhe me grushte dhe u hakmora për atë kur isha i ri. Pastaj u shtriva aty dhe e përqafova për 45 minuta”.

“Të shtunat më mungon. Por, ai ishte aq i thatë. Bisedonte me të gjithë, por nuk fliste me mua”.

“Më pëlqente ta shëtisja anekënd botës kur luaja. Aktualisht jam mirë, por do të mendoj shumë, çastet e mira që kam pasur, besoj që kam pasur më shumë çaste të mira sesa të këqija”.

“Ndoshta ia kam blerë babait tim rreth 80 vetura dhe 18 anije dhe shtëpi”, ka rrëfyer 53-vjeçari për babanë, i cili vdiq në vitin 2018 nga kanceri.

Gascoigne e fajësonte babanë e tij që e kishte shtrirë në një institucion mental pas vizitës famëkeqe të vitit 2010 që ish-futbollisti i kishte bërë vrasësit të arratisur të një polici. /Telegrafi/