Big Brother mbrëmë (e martë) ka dënuar disa nga banorët për të qëndruar në të ashtuquajturën, ‘Dhoma e dënimeve’.
Në mesin e tyre kanë qenë edhe ish-futbollisti Granit Cana e këngëtarja Semi Jaupaj, të cilët po përjetojnë një ditë krejtësisht ndryshe e me kushte më të vështira.
Derisa po bisedonin me njëri-tjetrin, Graniti ka vendosur që të ndajë një rrëfim personal nga jeta kur ishte në moshë shumë të re.
Foto: Instagram
Ai po i tregonte Semit se në moshën tetë vjeçare i ishin ndarë prindërit dhe që nga ajo kohë ishte mashkulli i vetëm në shtëpi.
Pjesën e tjetër të jetës dhe deri më tani, i njëjti tha se e ka kaluar me të ëmën e motrën.
“Kam qenë në moshën tetë vjeçare kur janë ndarë prindërit, që nga ajo kohë jam rritur pa prezencën e babait. Babai është martuar me gruan e dytë, e ka një djalë me atë, kurse unë jam rrit me mamin dhe motrën. Që nga ajo moshë kam qenë i vetmi mashkull në shtëpi”, ka thënë ai.
I pyetur nga Semi nëse e ka përjetuar keq meqë ishte shumë i vogël, Cana u përgjigj: “Ka pasur momente kur e kam ndjerë shumë mungesën e tij. Nuk e kemi takuar, ka qenë pak situatë e vështirë”.
Graniti ndërkaq po vazhdon të jetë në qendër të vëmendjes në BBV për shkak të situatave që ka krijuar me Fifin. /Telegrafi/
