Dueli i NBA mes Miami Heat dhe New Orleans Pelicans u shënua nga një luftë e ashpër dhe kaos i vërtetë, pas së cilës katër basketbollistë u përjashtuan.
Jimmy Butler, Thomas Bryant, Jose Alvarado dhe Naji Marshall u rrëzuan pas një sherri të ashpër në parket në fillim të çerekut të katërt të përballjes Miami-New Orleans Pelicans.
Lufta filloi pasi Zion Williamson i Pelicans vodhi topin nga Butler dhe Kevin Love e faulloi atë për të parandaluar një shënim të lehtë.
Ndërsa Love u thirr për një faull personal, Williamson u rrëzua në dysheme dhe Marshall vrapoi për të protestuar për mënyrën se si Williamson u faullua.
Butler reagoi ndaj kësaj dhe shkaktoi kaos. Ai dhe Marshall kapën për fyt njëri-tjetrin në kulmin e sherrit, me shokët e skuadrës dhe trajnerët që përpiqeshin t'i ndanin.
Pikërisht kur dukej se lufta kishte mbaruar, diku tjetër, Bryant dhe Alvarado filluan të debatonin dhe të shkëmbenin goditje, ndërsa rreth tyre u krijua kaos i ri.
Emocionet u ndezën edhe në tribunë, ndaj një tifoz i Pelicans hodhi gjëra në drejtim të lojtarëve të Miami. Sigurimi e ka nxjerrë menjëherë nga tribuna.
Të katër basketbollistet që morën pjesë në përleshje u përjashtuan dhe Miami përfundoi duke festuar fitoren 106:95 si mysafir. /Telegrafi/
