Rrahet gazetari serb që po heton vrasjen e Ivanoviqit (Foto)

Gazetari serb, Stefan Cvetkoviq, i cili po heton vrasjen e Oliver Ivanoviqit në veri të Mitrovicës, është rrahur brutalisht në qytetin e tij, Bela Crkva të Serbisë.

Në njërin nga postimit e tij në Facebook, ka thënë se gjendet i sigurt jashtë Serbisë, pa e bërë të ditur se si ka ikur, gjersa ka publikuar fotot me plagët  e marra.

Ai i ka thënë agjencisë Beta se ishte ulur në një kafiteri me miqtë e tij në Bela Crkva, kur një person i panjohur i është afruar dhe e ka qëlluar me një mjet të metaltë në kokë, përcjell Telegrafi.

Cvetkoviq ja deklaruar se pastaj ka provuar të ikë nga veni i ngjarjes, por sulmuesi ka provuar ta shkelë me automjet.

Prokuroria e Bela Crkves ka thënë se policia po e heton rastin bashkë me prokurorin kujdestar dhe janë duke mbledhur dëshmitë lidhur me ngjarjen.

Cvetkoviq ka thënë ndër të tjera se “e madhe është forca me të cilën po përballem, por se e shenjte është shenjtëria me të cilën mbrohem. Mua mund të më vrisni, por jo edhe të vërtetën”.

Lexo po ashtu Zhduket gazetari serb që  hulumtonte vrasjen e Ivanoviq

Cvetkoviqi ka dhënë edhe një deklaratë në institucionet hetimore të Republikës së Kosovës për vrasjen e Ivanoviqit.

Gazetarë të tjerë që po e hetojnë vrasjen e Ivanoviqit, kanë akuzuar direkt pushtetin në Serbi si përgjegjës për vrasjen e politikanit serb nga Kosova, poashtu edhe për trysnitë dhe kërcënimet që po ia bën pushteti atyre.

Lexo po ashtu Gjendet i gjallë gazetari serb, Stefan Cvetkoviq

Para më shumë së 10 ditësh Cvetkoviq qe kidnapuar nga persona ende të panjohur në vendlindjen e tij në Bela Crkva, por ky kidnapim ka lënë shumë dyshime. /Telegrafi/