Ronaldo po e kërkon largimin nga United – Georgina mund të ketë “gisht” në përzgjedhjen e klubit të ri

Sipas raportimeve, partnerja e Cristiano Ronaldo, Georgina Rodriguez, dëshiron që ai të kthehet në Madrid.

Ylli i Manchester United po kërkon një largim nga Old Trafford këtë verë, pasi nuk ka marrë pjesë në turneun e tyre parasezonal në Tajlandë dhe Australi.

Lojtari 37-vjeçar dëshiron të largohet nga Djajtë e Kuq për të luftuar për trofetë më të mëdhenj në fazat e fundit të karrierës së tij.

Lexo po ashtu Formacioni i Atletico Madridit në rast se Cristiano Ronaldo bën lëvizjen sensacionale në “Wanda Metropolitano”

Sipas gazetës spanjolle Diario Sport, megjithatë, ka edhe arsye të tjera. Ata pretendojnë se Georgina dëshiron të kthehet në Spanjë, me Madridin në krye të listës.

Georgina dhe Cristiano u takuan në kryeqytetin spanjoll në vitin 2016, kur sulmuesi luante për Realin.

Por, ai mund të kthehet në qytet për të përfaqësuar rivalët Atleticon. Diego Simeone është i interesuar të rikthejë yllin portugez në La Liga.

Lexo po ashtu Bordi i Atleticos i tregon Simeones se çfarë duhet të bëjë për ta bërë realitet transferimin e Ronaldos

Argjentinasi beson se Ronaldo mund të ketë një ndikim të ngjashëm me Luis Suarez, me uruguaianin që i kishte sjellë Atleticos titullin gjatë sezonit të tij të parë në Wanda Metropolitano.

Kërkesat për paga të Ronaldos mund të sigurojnë një pengesë, megjithatë, me Atleticon që ndoshta duhet të mbledhë 40 milionë euro nga shitjet e lojtarëve për të qenë në gjendje ta nënshkruajë atë. /Telegrafi/