Ronaldo është futur në karantinë në shtëpinë e tij në Madeira, pasi Rugani rezultoi pozitiv me coronavirus

Cristiano Ronaldo është futur në karantinë në shtëpinë e tij në Madeira pasi shoku i skuadrës së Juventusit, Daniele Rugani testoi pozitivisht me coronavirus.

Ylli portugez fluturoi për në Portugali për të vizituar nënën e tij, e cila kohët e fundit pësoi një goditje në tru.

Ai udhëtoi me leje speciale nga autoritet e të dyjave shteteve.

Pas që Daniele Rugani rezultoi pozitiv me coronavirus, portugezi është futur në karatin në shtëpinë e tij në Madeira.

Të dy Ronaldo dhe Rugani ndanë një dhomë të zhveshjes të dielën kur Juventus mundi Interin 2-0 pas dyerve të mbyllura.

Një foto e postuar në Instagram nga Miralem Pjanic pas ndeshjes tregon Ronaldon dhe Ruganin duke festuar fitoren së bashku me shokët e tyre të skuadrës.

Të gjithë ata që ranë në kontakt me Rugani nga të dy ekipet, tani kanë kërkuar të jenë në izolim.

Shpresohet që përhapja të jetë e kufizuar pasi Rugani ishte një zëvendësues në stol dhe Maurizio Sarri nuk e futi në lojë.

Gazetat Quotidiano Sportivo dhe Abola, ia kanë ndarë ballinat e tyre, Ronaldos që tashmë është në karantinë.

Të gjitha ngjarjet sportive në Itali janë anuluar deri të paktën më 3 prill, por Juventus duhet të luajë me Lyonin në Ligën e Kampionëve të martën e ardhshme.

Kjo ndeshje do të luhet pas dyerve të mbyllura, por mund të ndodh që të anulohet nga UEFA. /Telegrafi/