Romeo Veshaj me reagim për situatën e vëllait të tij në Big Brother VIP: Para se të gjykosh, sigurohu që ti je perfekt

Ngjarjet e fundit në Big Brother VIP që kanë krijuar trekëndëshin Bora Zemani – Donald Veshaj –Beatrix Ramosaj, kanë qenë në fokus të medieve rozë prej ditësh.

Komente nga më të ndryshmet, reagime të shumta ka bërë që pothuajse të gjithë të përfshihen në historinë personale të tri personazheve publike.

Një lidhje të re dashurie lindi së fundmi në shtëpinë e Big Brother VIP mes aktorit, Donald Veshja dhe këngëtares, Beatrix Ramosaj e që po përcillet me kritika, kjo për shkak të një historie tjetër të pa mbyllur që Veshaj kishte me prezantuesen e famshme shqiptare, Bora Zemani.

Për gjithë ngjarjen ka ardhur  një reagim edhe nga vëllai binjak i aktorit, Romeo Veshja, i cili ka bërë një postim në InstaStory, e që dukej se ishte reagim për ngjarjet e fundit në BBV.

Lexo po ashtu Pas ngjarjeve shumë të përfolura në Big Brother VIP, reagon Bora Zemani: Edhe Donaldi është njeri, mund të gabojë

“Para se të më gjykoni mua, sigurohu që ti je perfekt”, thuhej në një postim që ka bërë aktori.

Në anën tjetër, kujtojmë që edhe Bora Zemnai ka thyer heshtjen, duke kërkuar nga fansat që të mos gjykohej raporti që Donaldi ka krijuar me Beatrix, pasi siç tha ajo edhe aktori është njeri dhe ka të drejtën të bëjë çfarë të dojë me jetën e tij.

“Ju lutem qetësohuni! Edhe Donaldi është njeri…edhe ai mund të gabojë, edhe ai mund të zgjedhë rrugë të tjera, edhe ai ka të drejtën të bëjë çfarë të dojë me jetën e tij. Por mos gjykoni, mos kryqëzoni dhe mos dënoni. As unë nuk po e bëj”, ka shkruar moderatorja në postim. /Telegrafi/