Roboti që transformohet në veturë sportive (Video)

Inxhinierët japonezë kanë prezantuar një robot që transformohet në veturë që mund të transportoj edhe pasagjerë, që konsiderohet si i vetmi në botë në kategorinë e tij.

I gjatë 3.7 metra dhe me dy karrige, roboti “J-deite Ride” mund të transformohet në veturë sportive gjatë një procesi që zgjat rreth një minutë, transmeton Telegrafi.

Inxhinierët pretendojnë se ai mund të ecë apo vrapoj deri në 100 metra, por deri më sot një testim të tillë nuk e kanë kryer jashtë dyerve të garazhit.

Lexo po ashtu Si në filmin “Transformers”: Babë e bir shndërrojnë veturën në një robot (Video)

Derisa parametrat e një veture të zakonshme janë 4 metra i gjashtë dhe 1.4 i lartë, ata kanë arritur këtë ta bëjnë tek një robot-veturë që është plot 3.7 metra.

Shoferi dhe një pasagjer brenda kësaj veture, shihen duke qëndruar brenda dhe duke përshëndetur të pranishmit që po e filmonin këtë ngjarje të madhe.

Drejtori ekzekutiv i kompanisë robotike Brave Robotics me seli në Tokio, Kenji Ishida, ka pranuar se motivi për të ndërtuar një robot që transformohet në veturë i kishte ardhur nga filmi i animuar “Transformers” që e kishte shikuar gjatë fëmijërisë. /Telegrafi/