I riu i talentuar, Victor Chust tregon se si Valencia e largoi kur ishte ende fëmijë – ai nuk u dorëzua dhe aktualisht është nën kontratë me Real Madridin

Mbrojtësi Victor Chust aktualisht luan te Cadiz, ndërsa është nën kontratë me Real Madridi, nga ku është huazuar, por kur ishte fëmijë, ishte pjesë e Valencias, nga ku e larguan.

Ai flet pa mllef, por ka akoma dhimbje në fjalët e tij. Víctor Chust bëri debutimin e tij sezonin e kaluar me Real Madridin, klub me të cilin ka kontratë, por këtë sezon ai është larguar si huazim te Cádiz, për të luajtur më shumë minuta dhe për të fituar përvojë në La Liga.

Klubi i tij këtë javë luan me Valencian, klub në të cilin e kishte nisu karrierën si i ri Chust, por nga aty u largua, pasi klubi nuk e donte.

“E vërteta është se unë nuk u largova, ata më larguan”.

“Më duhej të largohesha dhe më thanë se po largohesha sepse kisha një ofertë nga Real Madridi, nuk kuptova asgjë sepse isha i vogël, por më pas prindërit më shpjeguan atë që ndodhi dhe është e qartë se Valencia më largoi”, tregon i riu i talentuar.

Sigurisht, Chust nuk mban inat kundër klubit, por ka vazhduar karrierën dhe sot është një nga lojtarët më të talentuar të futbollit spanjoll.

“Gjithmonë do të jetë një nga ekipet e mia”, thotë ai vite më vonë edhe pse Valencia e largoi.

Chust shihet si një nga qendër mbrojtësit e ardhshëm të Real Madridit.

Vëllai i tij është ende pjesë e moshave te Valencia. /Telegrafi/