Rita Ora vjen me poza atraktive në prag të lansimit të këngës së re “Praising You”

Me muzikën e re vjen një mundësi e re për të ndarë më shumë përmbajtje në Instagram dhe Rita Ora nuk zhgënjeu teksa u shfaq në platformën e rrjeteve sociale të mërkurën.

Këngëtarja brenda pak ditësh do të publikojë këngën e saj më të fundit “Praising You” dhe e ka festuar publikimin e saj në ardhje me një sërë fotografish atraktive, shkruan DailyMail.

Duke treguar këmbët e saj me pantallona të bardha prej sateni dhe një palë çizme lëkure të zeza deri tek gjuri, Rita, 32 vjeçe, mori një sërë pozash teksa rrinte në dyshemenë e suitës së saj të hotelit.

Ajo kishte veshur një xhaketë sportive ngjyrë gri shumë elegante, ndërsa një bluzë e thjeshtë e bardhë me stampa i dha ansamblit të saj një lulëzim të rastësishëm.

Lexo po ashtu Albumi i tretë do të jetë shumë personal për Rita Orën, me këngë dedikuar bashkëshortit e lagjes ku u rrit

Në mbishkrimin e këtyre fotografive, Rita shkroi: “Ka ardhur koha! ‘Praising You’ do të mbërrijë në pragun e derës suaj…jeni shumë të mirëpritur! Le të fillojë vera”.

Rita e ka shoqëruar këtë këngë edhe me klip, regjisor i të cilit është bashkëshorti i saj Taika Waititi.

Ajo gjithashtu është e ftuar speciale sivjet për të performuar në një nga netët gjysmëfinale të “Eurovision 2023”, i cili do të mbahet në “M&S Bank Arena” të Liverpoolit në maj.

Asaj do t’i bashkohet në gjysmëfinale ylli i “X Factor”, Rebecca Ferguson, e cila do të ngjitet në skenë për të performuar vetëm disa muaj pasi ka sjellë në jetë fëmijën e saj të katërt.

Gjysmë-finalet do të zhvillohen për dy ditë dhe do të shfaqin një sërë performancash live nga yjet e muzikës, duke përfshirë legjendat e Eurovisionit dhe yjet ukrainas dhe britanikë.

Rita do të performojë këngën e saj “Praising You” dhe një potpuri të hiteve të tjera të saj në gjysmëfinalen e parë më 9 maj, e cila do të transmetohet në kanalet shtetërore të të gjitha shteteve të Evropës. /Telegrafi/