Rita Ora po vjen në Tiranë – më 6 shtator koncert i madh në sheshin “Skënderbej”

Këngëtarja shqiptare me famë botërore, Rita Ora, do të vijë sivjet në Tiranë për koncert.

Artistja e hiteve “Let You Love Me” dhe “Anywhere” do të zbarkojë në kryeqytetin shqiptar për një mega koncert, në datën 6 shtator në sheshin “Skënderbej”.

Lajmi është konfirmuar nga Mirela Koçollari, drejtoresha gjeneralë e promovimit të qytetit, përmes një postimi në InstaStory.

Koncerti do të organizohet në kuadër të Tirana European Youth Capital – i cili është një projekt promovues i qytetit të Tiranës, si kryeqytet evropian i të rinjve me organizime e koncerte të shumta me pjesëmarrjen e yjeve botërorë.

Lexo po ashtu Rita Ora është dëgjuar mbi 10 miliardë herë në mbarë planetin, në platformat YouTube dhe Spotify

Kujtojmë që në Tiranë sivjet do të performojë edhe këngëtarja tjetër shqiptare e njohur ndërkombëtarisht, në kuadër të festivalit “Sunny Hill”, i cili sivjet organizohet edhe atje.

Rita Ora përndryshe e vizitoi Shqipërinë për herë të fundit në vitin 2018, ku në qershor të atij viti mbajti një koncert në Sheshin “Nënë Tere4za”.

Ajo do të rikthehet pas katër vitesh edhe më e fuqishme se sa ishte katër vjet më parë, me një karrierë më të bujshme dhe me shumë hite të shtuara. /Telegrafi/