Rihanna është shfaqur sërish në qendër të vëmendjes në Javën e Modës në Paris, këtë herë duke treguar barkun e rrumbullakosur, ndërsa u bashkua me partnerin e saj ASAP Rocky dhe djalin njëvjeçar Riot në sfilatën e koleksionit Pranverë/Verë 2026 të markës AWGE.
E veshur me një këmishë të zbërthyer me vija blu e të bardha dhe një minifund elegant blu me palosje, këngëtarja 37-vjeçare përfaqësoi më së miri stilin e saj unik dhe të guximshëm.
Ajo e plotësoi pamjen me taka të bardha, çorape të varura dhe një çantë dore të veçantë me logon e Drakulës, ndërsa në krah mbante djalin e saj të vogël, shkruan DailyMail.
Në mbrëmje, çifti u pa dorë për dore duke dalë nga klubi luksoz L’Arc, ku Rihanna mahniti me një fustan të zi me prerje të guximshme që ekspozonte barkun e saj.
ASAP Rocky qëndroi besnik stilit të tij me një veshje të gjithanshme prej lëkure.
Rihanna dhe Rocky ishin gjithashtu të pranishëm në sfilatën e Dior më herët gjatë ditës, duke konfirmuar edhe një herë statusin e tyre si një ndër çiftet më të modës dhe më të ndjekur të skenës ndërkombëtare.
Ylli i “Umbrella” e shoqëroi veshjen me një gjerdan perlash luksoz me vlerë 70,000 dollarë – duke i shtuar edhe më shumë shkëlqim prezencës së saj tashmë ikonike në Paris. /Telegrafi/
