Rëndësia e futbollit: Liderët mblidhen për ta shikuar momentin final të ndeshjes Kroaci-Angli

Se Kampionati Botëror është shumë i rëndësishëm, ka dëshmuar edhe një video nga momentet finale të ndeshjes ndërmjet Kroacisë dhe Anglisë.

Liderët botërorë në kuadër të Samitit të Londrës për shtetet e Ballkanit Perëndimor, për një moment janë ndaluar për ta shikuar ndeshjen.

Një xhirim, në të cilin shfaqet edhe kryeministri i Shqipërisë, Edi Rama, i ka paraqitur politikanët të grumbulluar duke shikuar se kush do të fitojë.

Në video shihen mes tjerëve, edhe kancelarja gjermane, Angela Merkel, kryeministrja e Britanisë së Madhe, Theresa May dhe presidenti i Turqisë, Recep Tayyip Erdogan.

Lexo po ashtu Lajmet nga Kampionati Botëror

Dhe në fund triumfoi Kroacia, ndërsa Rama menjëherë ka pozuar bashkë me presidenten e atij vendi, Kolinda Grabar-Kitarovic, fotografi që është bërë hit në rrjetet sociale.

Kujtojmë që Kroacia triumfoi kundër Anglisë pas vazhdimeve (2-1) dhe siguroi pjesëmarrjen në finale.

Kroatët luajnë për herë të parë në një finale të Kampionatit Botëror dhe më 15 korrik do të luajnë kundër Francës.

Nga ana tjetër, Anglia do ta kërkojë vendin e tretë në ndeshjen kundër Belgjikës. /Telegrafi/