Refuzoi të vendoste maskën, gruaja largohet nga aeroplani – por “spektakli” nuk përfundon me kaq!

Pasagjerët në një aeroplan të Southwest Airlines u panë duke duartrokitur largimin e një gruaje e cila dyshohet se nuk pranoi të vishte një maskë para se të zinte vendin e saj në aeroplan.

Në pamjet, të cilat u shpërndanë në TikTok, shihet një grua duke debatuar me një pjesëtar të stafit të aeroplanit, shkruajnë mediat e huaja, përcjell Telegrafi.

Ndonëse në pamje, gruaja ka maskën e saj të vendosur gjatë gjithë kohës, ajo u akuzua se nuk kishte veshur atë përpara se kamera të fillonte të regjistronte.

Gruaja dëgjohet duke i thënë stafit se ishte në përputhje me rregullat ndërsa një burrë në sfond tha: ‘më mirë është që të zbresësh’.

Ndërsa ajo dhe një burrë me të cilin ajo dukej se po udhëtonte ngriheshin për të dalë, udhëtarët dëgjohen duke duartrokitur dhe brohoritur.

Ky është edhe momenti kur gruaja shihet duke ua treguar gishtin e mesit, pjesës tjetër të udhëtarëve.

Ajo zbret aeroplanin e ndjekur nga shoqëruesi i saj mashkull ndërsa një pasagjer bërtet: ‘Shpresoj të jesh beqar, shoku!’

Por këtu nuk përfundon “spektakli”. Pasi çifti largohet nga aeroplani, një grua tjetër shihet duke bërë një vallëzim. /Telegrafi/