Referendumi katalanas: Po mbronin protestuesit, policët lokalë shpërthejnë në lot (Video)

Pjesëtarët e forcës policore lokale katalane shpërthyen në lot ndërsa ruanin protestuesit në qytetin e vogël të Vielha në kufirin francez, mes skenave të dhunës në të gjithë rajonin, ndërsa votuan për pavarësinë nga Spanja.

Sipas asaj që shkruajnë mediat e huaja, përcjell Telegrafi, kryebashkiaku i Barcelonës ka thënë se të paktën 460 njerëz janë plagosur gjatë dhunës ndërsa anëtarët e Gardës Civile, policia ushtarake spanjolle, kanë qëlluar plumba gome dhe kanë përdorur shkopinj në përpjekje për t’i ndaluar ata që votojnë në një referendum të pavarësisë.

Dëshmitarët thonë se policia është vërejtur duke goditur dhe duke tërhequr njerëzit nga vendvotimet kur ata shkuan për të votuar.

Por anëtarët e Mossos d’Esquadra, policia lokale, autonome katalane, kanë lëvizur për të mbrojtur qytetarët nga dhuna.

Pamjet nga qyteti i vogël tregojnë katalanasit duke brohoritur pas një rreshti të oficerëve, ndërsa dy prej tyre bëhen emocionalë.

Thirrja për një referendum mbi pavarësinë katalanase është rritur më shumë gjatë pesë viteve të fundit pasi vendi doli nga një recesion brutal. /Telegrafi/