Real Madridi ulë çmimin e Gareth Bale, shpreson ta shes gjatë verës

Klubi i madh spanjoll, Real Madridi e ka vë në shitje përfundimisht yllin uellsian, Gareth Bale dhe shpreson ta shes gjatë afatit kalimtar veror.

Ylli uellsian nuk po arrin të gjej formën më të mirë te Real Madridi dhe një pjesë të fajit e kanë lëndimet e shpeshta.

Këto lëndime dhe mungesat e gjata të Bale kanë bërë që Mbretërit të mendojnë largimin e tij nga Santiago Bernabeu.

Lexo po ashtu Man Utd përfshinë Pogban në ofertën për Bale

Skuadrat e interesuara për Bale janë të shumta, por çmimi prej 100 milionësh i kërkuar nga Reali kishte distancuar ato.

Megjithatë, sipas mediumit spanjoll Don Balon, Los Blancos kanë vendosur ta ulin çmimin e Bale për t’i nxituar skuadrat për transferimin e tij.

Ky medium raporton se Reali tani kërkon vetëm 70 milionë euro për shërbimet e uellsianit, por qëllimi është të fitojë më shumë se kjo shifër.

Lexo po ashtu Valdano: Asgjë që Bale bën nuk vlen 100 milionë euro

Presidenti i Real Madridit, Florentino Perez dëshiron që Bale të largohet këtë verë, por e kupton se çmimi i tij i ka larguar ekipet.

Duke ulur çmimin, Perez shpreson të shkaktojë një luftë ofertash midis klubeve në mënyrë që nga ndonjë ankand i mundshëm të rifitojë shpenzimin prej 100 milionë eurosh të bërë për transferimin e tij nga Tottenham Hotspur. /Telegrafi/