Real Madridi siguron rinovimin e kontratës me yllin e ekipit, katër të tjerë ende në pritje

Ecuria e sezonit pritet të jetë shumë e ngarkuar për Real Madridin, me suksesin në Kupën e Mbretit dhe Ligën e Kampionëve që synohet nga skuadra e Carlo Ancelottit.

Jashtë fushës, pritet të jetë po aq i ngarkuar, ku e ardhmja e disa lojtarëve të ekipit të parë do të vendoset në javët në vijim.

Shtatë lojtarë janë jashtë kontratës këtë verë dhe Real Madridi është në proces të vendosjes se kë të mbajë dhe kë të heqë.

Lexo po ashtu Ancelotti konfirmon bisedimet me Modric dhe Kroos për rinovimin e kontratave

Një lojtar që duket se do të qëndrojë është Luka Modric.

37-vjeçari ka qenë në klub që nga viti 2012, por ka pasur spekulime rreth të ardhmes së tij, mes interesimit nga klubet në Arabinë Saudite.

Megjithatë, sipas Fichajes, Modric duket se do të kalojë të paktën edhe një sezon në kryeqytetin spanjoll, me rinovimin e mbyllur.

Objektivi i radhës për Real Madridin do të jetë rinovimi i katër lojtarëve të tjerë të ekipit të parë: Karim Benzema, Dani Ceballos, Nacho Fernandez dhe Marco Asensio.

Toni Kroos gjithashtu ka më shumë gjasa të qëndrojë sesa të largohet, ndërsa lojtari i fundit në skadencë, Mariano Diaz, pritet të largohet. /Telegrafi/