Real Madridi thuhet se është i etur për të riformuar mesfushën e tyre për sezonin e ri 2022/23 dhe tashmë ka planet e qarta të veprimit.
Los Blancos pritet të bëjnë disa ndryshime të mëdha gjatë afatit të ardhshëm kalimtar, ndryshime të cilat pritet ta prekin repartin e mesfushës.
Real Madridi thuhet se mund të shikojë të shesë Toni Kroosin këtë verë.
E ardhmja e mesfushorit në Santiago Bernabeu dukej e sigurt, por marrëdhënia mes lojtarit dhe klubit është dëmtuar mes rënies në formë dhe këtë tashmë e ka parë edhe presidenti Florentino Perez.
Sipas mediumit El Nacional, Real Madridi është i hapur për ta lënë Krossin të largohet këtë vit dhe kanë vendosur të ndjekë dy mesfushorë të rinj për të përmirësuar mesfushën.
Asgjë nuk mbaron me largimin e Kroosit, pasi Real Madridi synon të nënshkruajë me dy mesfushorë këtë verë.
Synimi i presidentit Perez është të nënshkruajë me Aurelien Tchouameni nga Monaco dhe Paul Pogba, i cili po përfundon kontratën me Manchester Unitedin.
Këto dy nënshkrime thuhet që do ta linin përfundimisht Kroosin jashtë skuadrës.
Në moshën 32-vjeçare, qëllimi i Kroos ishte të qëndronte në Real Madrid për dy sezone të tjera dhe në vitin 2024 të varte këpucët në gozhdë.
Megjithatë, rënia në formë, transferimi i dy francezëve dhe rritja e Federico Valverdes e Eduardo Camavingas, e bën të pashmangshëm largimin e gjermanit. /Telegrafi/
