Real Madridi mposht Liverpoolin dhe fiton trofeun e 14-të në histori të Ligës së Kampionëve

Real Madridi ka fituar me rezultat 1-0 ndaj Liverpoolit në finale dhe kështu është shpallur kampion i Ligës së Kampionëve për edicionin 2021/22.

Ekipi i Carlo Ancelottit është treguar konkret dhe cinik  në finalen e madhe të zhvilluar në Stade de France të Parisit duke triumfuar me një gol, pas shumë pak rasteve të krijuara.

Pjesa e parë i takoi Liverpoolit, i cili pati më shumë raste, rrezikoi më shumë, goliti shtyllën, por pa arritur të gjejnë golin.

Në fakt, Real Madridi ishte skuadra që e gjeti golin në minutën e 43-të me anë të Karim Benzemas, por goli u anulua pas rishikimit të VAR-it.

Reds rrezikuan me anë të Mohamed Salah (16’, 18’), por në të dy rastet u ndalua nga Thibaut Courtois, ndërsa Sadio Mane (20’) u ndal vetëm nga shtylla.

Ekipi i Jurgen Klopp tentoi edhe më anë të Thiago Alcantara (17’), Fabinho (28’) dhe Jordan Henderson (41’), por goditjet e tyre shkuan jashtë portës.

⏸ DC: @LFC 0-0 @realmadrid#APorLa14 | #UCLfinal pic.twitter.com/0hC5pJPKAk

— Real Madrid C.F. (@realmadrid) May 28, 2022

Në pjesën e dytë, Real Madridi nisi furishëm ndeshjen, duke qenë më të rrezikshëm dhe duke gjetur golin e parë të ndeshjes, ndërsa pas golin Liverpooli mori lojën në dorë duke rrezikuar në shumë raste.

Goli i parë i ndeshjes erdhi në minutën e 59-të dhe ishte Vinicius Junior, i cili shënoi nga afërsia për 1-0 pas asistimit të Federico Valverdes.

Liverpooli iu ofrua golin me anë të Salah (64’, 69’), por goditjet e tij u ndalen në të dyja rastet nga portieri Courtois.

Despair for Salah… 😫#UCLfinal pic.twitter.com/PHBhID8slU

— UEFA Champions League (@ChampionsLeague) May 28, 2022

Salah pati edhe një super-rast në minutën e 84-të, por edhe kësaj radhe Courtois u tregua hero i Los Blancos duke pritur goditjen.

Deri në fund, Reds nuk rrashtën së sulmuari në kërkim të golit të barazimit, por pa pasur sukses ta gjejnë atë.

👑 ¡REYES DE EUROPA! 👑#CHAMP14NS pic.twitter.com/iXTUsoXRJM

— Real Madrid C.F. (@realmadrid) May 28, 2022

Kështu, pas 90 minutave lojë, Real Madridi triumfon me rezultat 1-0.

Me këtë triumf, Mbretërit arrijnë titullin e 14-të në histori të Ligës së Kampionëve. /Telegrafi/

https://www.youtube.com/watch?v=NVlOnfxQDeo

🏆 CHAMPIONS OF EUROPE 🏆

Real Madrid 🎉👏#UCLfinal pic.twitter.com/WJGSeat0OT

— UEFA Champions League (@ChampionsLeague) May 28, 2022

Number 14 🖊️#UCLfinal pic.twitter.com/xAKk0LKqlP

— UEFA Champions League (@ChampionsLeague) May 28, 2022