Real Madridi merr vetëm një pikë ndaj Valencias

Real Madridi ka dështuar të bëhet lider i La Liga-së, pasi ka barazuar me Valenican 1-1 në javën e 17-të.

Pjesa e parë përfundoi pa gola, mirëpo rastet nuk munguan nga të dyja anët.

Treshja e Zinedine Zidanes, Isco, Rodrygo Goes e Karim Benzema u orvatën që të shënonin së paku një gol, mirëpo nuk ia arritën në pjesën e parë.

⏸ DC: @valenciacf 0-0 @RealMadrid #RMLiga | #HalaMadrid pic.twitter.com/iegVv74G4E

— Real Madrid C.F. (@realmadrid) December 15, 2019

Pjesa e dytë ishte fatale për Los Blancos, pasi Valencia arriti ta zhbllokonte sfidën me një gol të bukur.

Minuta më vendimtare e takimit ishte ajo në të 78-në, kur Carlos Soler shënoi golin e epërsisë me një asistim nga Daniel Wass.

📸⚽ ¡Gran primera parte del equipo inclinando el campo hacia el área rival!
👊 ¡Seguimos buscando el gol!#RMLiga | #HalaMadrid pic.twitter.com/CPqYUmv2wx

— Real Madrid C.F. (@realmadrid) December 15, 2019

Kur u mendua se madrilenët po e humbin takimin, ishte sulmuesi francez që e shënoi golin e barazimit në minutën e 90+5, për ta marrë kështu së paku një pikë.

https://www.instagram.com/p/B6HFPrwFLm7/?igshid=stmd6j1k65rr

Pas javës së 17-të, Real Madridi është në vendin e dytë me 35 pikë, aq sa ka edhe Barcelona në të parin.

Në xhiron e 18-të, Los Blancos do të jenë mysafir të Blaugranasëve, e që do të jetë El Clasico për vendin e parë. /Telegrafi/