Real Madridi i gatshëm për të nënshkruar me Haaland, zbulohen shifrat e operacionit

Pavarësisht se dështoi për ta blerë në verë, Real Madrid nuk ka heq dorë nga transferimi i Erling Haaland.

Sulmuesi norvegjez është duke kaluar nëpër një formë të jashtëzakonshme, duke shënuar vazhdimisht me Borussia Dortmundin.

20-vjeçari në 10 ndeshje zyrtare me BVB ka shënuar 10 gola e ka bërë tre asistime duke konfirmuar se është njëri nga sulmuesit më të mirë në qarkullim.

Por Reali nuk do ta lë pae transferuar atë dhe tanimë në Spanjë për një gjë të tillë janë të sigurt.

Megjithatë mediat spanjolle kanë shkuar më larg, duke zbuluar edhe detajet e operacionit të transferimit të Haaland në Santiago Bernabeu.

Los Blancos do të paguajnë 70 milionë euro klauzolën e lojtarit te Dortmundi në verën e vitit 2021, por kjo nuk është e gjitha.

Madrilenët do të duhet të paguanin edhe menaxherin e lojtarit Mino Raiola 20 milionë euro komisione.

Por përveç menaxherit, sipas medieve spanjolle edhe babai i Erling, Alf-Inge Haaland ka kërkuar një shumë të konsiderueshme komisione për ta lejuar transferimin e djalit të tij te Reali.

Gjithsesi te Reali janë të vendosur që të transferojnë norvegjezin, edhe pse shifra e operacionit duket se do ta prek shumën e 100 milionë eurove. /Telegrafi/