Real Madridi dëshiron ta marrë Kloppin, bashkë me të edhe Bellinghamin

Real Madrid thuhet se dëshiron ta bëjë Jurgen Klopp trajnerin e tyre të ardhshëm.

Dhe gjigantët spanjollë shpresojnë se nënshkrimi i Jude Bellingham do ta bindë gjermanin të shkëmbejë Anfieldin me Bernabeun.

Jurgen Klopp po lufton te Liverpooli pas një stazhi yjor shtatëvjeçar.

Lexo po ashtu Rikthehen komentet e Kloppit për shpenzimet e Cityt - pas akuzave nga Liga Premier

Gjermani 55-vjeçar rinovoi marrëveshjen e tij me skuadrën e Merseyside në prill të vitit të kaluar pasi ra dakord të qëndronte deri në vitin 2026.

Por, Liverpooli ka rënë ndjeshëm këtë sezon pas një ecurie të tmerrshme të formës.

Reds janë në vendin e nëntë në tabelën e Ligës Premier, ndërsa presioni vazhdon të rritet mbi Klopp.

Lexo po ashtu Katër opsionet e Real Madridit për të zëvendësuar Carlo Ancelottin - nëse Los Blancos nuk ia dalin të mbrojnë titullin e La Ligas

Sipas El Nacional, nëse Klopp largohet nga Liverpooli, do ta shihte Real Madridin të kërkonte shërbimet e ish-trajnerit të Borussia Dortmund.

Trajneri i Los Blancos, Carlo Ancelotti ka një kontratë në kryeqytetin spanjoll deri në fund të sezonit 2023/24.

Lexo po ashtu Klopp u kërkon falje tifozëve të Liverpoolit dhe zbulon se çfarë e shpëtoi nga shkarkimi

Mirëpo, me Realin pas Barcelonës me tetë pikë në La Liga, një edicion pa trofe – duke përjashtuar Kupën e Botës për Klube – ka të ngjarë të largojë Ancelottin.

Dhe presidenti Florentino Perez ka qenë gjithmonë një admirues i Klopp – i cili ka bërë mrekulli në Mainz, Dortmund dhe Liverpool. /Telegrafi/