Real Madrid – Barcelona: Statistika, analizë, formacionet e mundshme dhe parashikim i finales së Superkupës së Spanjës

Real Madridi dhe Barcelona janë gati për ndeshjen El Clasico e cila është e vlefshme për finalen e madhe të Superkupës së Spanjës.

Los Blancos dhe Blaugranët do të ndeshen mes vete sot (e diel) në kryeqytetin e Arabisë Saudite, Riad, në ndeshjen e vlefshme për trofeun e parë të sezonit.

Vendi: King Fahd International Stadium (Riad)

Koha: 20:00

Lajme rreth ekipeve

Real Madrid

David Alaba dhe Aurelien Tchouameni do të mungojnë për shkak të lëndimeve, ndërsa Lucas Vazquez do të mungoj gjithashtu pas dëmtimit që pësoi në ndeshjen gjysmëfinale kundër Valencias.

Eduardo Camavinga dhe Eder Militao janë dyshime pasi ata gjithashtu morën goditje kundër Valencias.

Nuk ka asnjë pezullim për Real Madridin.

Barcelona

Nuk raportohen shqetësime për lëndime apo pezullime për Barcelonën. Xavi do ta ketë ekipin e kompletuar.

Fakte

Real Madridi e ka fituar El Clasicon e parë të sezonit me rezultat 3-1 në kuadër të La Ligës.

Real Madridi ka bilanc më të mirë në 10 ndeshjet e fundit, me 6 fitore, 2 barazime dhe 2 humbje.

Barcelona është në formë më të mirë pa humbje në tetë ndeshjet e fundit në të gjitha garat, nga to shtatë fitore dhe një barazim.

Analizë

Real Madrid mundi Valencian 4-3 me penallti pasi ndeshja përfundoi 1-1 pas vazhdimeve, për t’u kualifikuar në finale. Benzema kaloi Los Blancos në avantazh afër fundit të pjesës së parë, pasi ai fitoi dhe shënoi penalltinë. Ata u tronditën në fillimin e pjesës së dytë kur Valencia barazoi brenda një minute. Penalltitë sollën fitoren për skuadrën e Ancelottit pasi ata shënuan të katër goditjet e tyre nga pika e bardhë, ndërsa Courtois gjithashtu bëri pritjen e fitores.

Barcelonës iu desh gjithashtu të gjuaj penallti për të arritur në finale pasi mundi Real Betis 4-2, me rezultat 2-2 pas vazhdimeve. Leëandoëski dhe Ansu Fati kaluan Barcelonën në epërsi, por nuk mundën të mbanin asnjërën herë. Sulmuesit polak dhe Pedrit iu anuluan nga një gol nga VAR-i gjatë 90 minutave të rregullta. Skuadra e Xavi gjithashtu shënoi 100 për qind të penalltive, ndërsa ter Stegen bëri dy pritje vendimtare për të siguruar vendin e tyre në finale.

Kur këto dy skuadra u takuan në gjysmëfinalet e Superkupës vitin e kaluar, Real Madrid fitoi 3-2 pas kohës shtesë falë golave ​​të Vinicius Jr, Benzema dhe Valverde.

Formacionet e mundshme

Real Madrid: Courtois; Carvajal; Militao, Rudiger, Mendy; Valverde; Kroos, Modric; Rodrygo, Benzema, Vinicius Jr; 

Barcelona: Ter Stegen; Kounde, Araujo, Christensen, Balde; De Jong, Busquets, Pedri; Dembele, Lewandowski, Ansu Fati; 

Parashikimi: Real Madrid 2-1 Barcelona

/Telegrafi/