Ray Liotta vdiq në Republikën Domenikane teksa po xhironte filmin e ri “Dangerous Waters” me Eric Dane

Ray Liotta, 67 vjeçar, vdiq në gjumë këtë javë gjatë xhirimeve në Republikën Domenikane për një film të ardhshëm të quajtur, “Dangerous Waters”.

Në filmin e ri do të luante bashkë me aktorin e “Euphoria” dhe “Grey’s Anatomy”, Eric Dane, si dhe aktorët e tjerë: Odeya Rush dhe Saffron Burrows.

Kasti i tyre u shpall vetëm pak javë më parë, në fillim të majit.

“Dangerous Waters”, nga Signature Films, i cili është drejtuar nga John Barr dhe me skenar të Mark Jackson, ishte në mes të xhirimeve kur u nda nga jeta.

Lexo po ashtu Ndërron jetë aktori i “Goodfellas”, Ray Liotta

Sipas përmbledhjes, filmi ka të bëjë me një vajzë adoleshente që zbulon ‘të kaluarën e errët të të dashurit të ri të nënës së saj’.

Producentët u tha se kishin prezantuar projektin në Festivalin e Filmit në Kanë, raportoi Deadline.

“Dangerous Waters” ishte vetëm një nga projektet e shumta të Liottas në kohën e vdekjes së tij tronditëse.

Aktori mund të shihet në dramën e ardhshme televizive “Black Bird” dhe së fundmi ka përfunduar dy filma, “Cocaine Bear” dhe “El Tonto”.

Përveç “Dangerous Waters:, Ray kishte dy filma të tjerë në prodhim: “April 29 1992” dhe “The Substance”.

Është e paqartë nëse roli i tij në “Dangerous Waters” do të riformulohet ose nëse pjesa e tij e xhirimeve ka përfunduar.

I ndjeri ka lënë pas të fejuarën Jacy Nittolo si dhe vajzën e tij, Karsen. /Telegrafi/