Raportoi se zyrtarët e lartë shtetëror ishin vaksionuar kundër coronavirusit, arrestohet gazetari jordanez

Një gazetar u arrestua në Jordan për shkak të një teksti në të cilin deklaroi se vaksina kundër coronavirusit ka mbërritur në vend dhe se personat e parë që e kanë marrë janë zyrtarët e lartë shtetëror.

Megjithëse ka konfirmime zyrtare se vaksina do të mbërrijë në fund të janarit, shkruan leparisien.fr, bazuar në burime nga institucionet gjyqësore të atij vendi.

“Prokurori i shtetit urdhëroi arrestimin e gazetarit Jamal Hadfad, redaktor i portalit të lajmeve Al-Wakaai, për shkrimin se zyrtarët qeveritarë ishin vaksinuar kundër coronavirusit”, tha një burim i cili dëshironte të mbetej anonim, transmeton Telegrafi.

Ai gjithashtu deklaroi se Hadad u akuzua për “rrezikimin e sigurisë publike dhe shkaktimin e rebelimit dhe çrregullimit publik” dhe duhet të mbahej i arrestuar për 15 ditë ndërsa ishte në pritje të gjyqit.

“Al-Wakaai” publikoi një artikull të martën me titull “Dhe çfarë lidhje me njerëzit? A ka arritur vaksina Pfizer në fshehtësi dhe a janë vaksinuar zyrtarë të lartë të qeverisë jordaneze?”

Jordania njoftoi në mes të dhjetorit se kishte miratuar përdorimin emergjent të vaksinës kundër virusit dhe një zyrtar i ministrisë së shëndetësisë, tha të mërkurën se vaksina do të mbërrinte në fund të janarit ose në fillim të shkurtit. /Telegrafi/