Ramku kundër idesë për rrënimin e objektit të Gërmisë: Ka vlera të mëdha (Video)

Bekim Ramku, nga organizata “DoCuMoMo” Kosova, ka thënë se peticioni nga organizata e tij është paragjykuar dhe se ka një perceptim të gabuar.

“Peticioni kërkon të mos shkatërrohet objekti në tersi. Ne kemi kërkuar që objekti të mos shkatërrohet në tërsi, por të mbahen disa pjesë të tij që janë simbolike për Prishtinën”.

Ai në emisionin “Përballje” me gazetarin Muhamet Hajrullahu në RTV Dukagjini tha se organizatat që kanë organizuar peticionin nuk e kanë paragjykuar se si do të funksionoj objekti.

“Ka pasur një devijim nga disa personaliteteve se gjoja ne jemi për galeri apo ndonjë shfrytëzim tjetër”, tha ai, përcjell Telegrafi.

Sipas Ramkut, kryetari i Prishtinës ka dhënë indikacione se lokacioni është caktuar.

Ramku ka thënë se edhe pse disa objekte në Prishtinë nuk janë në listën e mbrojtjes së trashëgimisë kulturore, kanë vlerë të madhe.

Sa i përket ndërtimit të sallës së koncerteve Ramku ka thënë se Komuna e Prishtinës ka gabuar në të gjitha hapat, deri te gjendja e tanishme.

“Komuna e Prishtinës të gjitha hapat i ka bërë gabim”.

Ai tha se shpreson që objekti i ish-Germisë do të futet në listën e trashëgimisë kulturore.

“Shpresoj se do të ketë një kompromis dhe objekti do të futet në listën e trashëgimisë kulturore”./Telegrafi/