Rama tregon rastin e rëndë në familje: Djalit ia thanë mjekët copë, ti ke vdekjen në trup

I ftuari i episodit të 15-të të podkastit ‘Flasim’ me kryeministrin Edi Rama ishte mjeku Gentian Toshkëzi, që siç e cilësoi Rama, quhet ‘’America’s Best Doctor’’, çmim i cili i jepet në mënyrë të përvitshme nga një organizatë shumë prestigjioze.

I pyetur nga kryeministri Rama se nga ndryshon një pacient amerikan me një shqiptar, mjeku tha se atje “lajmi thuhet copë” dhe shqiptarët e përjetojnë keq, shkruan Top Channel.

Pas kësaj Rama solli në vëmendje një rast të rëndë në familjen e tij.

Rama tha se djali i tij ishte 15 vjeç kur ia thanë ‘copë’ sëmundjen që kishte dhe për të ishte shumë shokuese.

“Ne kemi patur në familje një rast të rëndë me djalin  ishte atë kohë 15 vjeç edhe ia thanë copë dhe për mua ishte shumë shokuese, madje, madje pasi na e thanë ne, unë i them asaj mjekes që e ndoqi pastaj dhe e nxori nga kthetrat e vdekjes realisht, mundohu t’ia thuash..

‘’Më lër të bëj punën time’, -tha dhe u ul përballë tij dhe i tha, “Ti ke vdekjen në trup. Në situatën ku je, ti ke vetëm 30% mundësi që të mbijetosh dhe që quhet kancer, por 30% të tjera i ka njeriu. Nëse ti je i gatshëm të luftosh dhe të më vësh mua në dispozicion këtë 30%-ësh dhe 30% të probabilitetit, ne shkojmë në 60% me 40%. Tani më thuaj, – tha, je i gatshëm të luftosh?’’ Ky ishte pak a shumë toni edhe e mobilizoi. Pacientët shqiptarë nuk e përjetojnë njësoj”.

Shkrimin e plotë mund ta lexoni këtu: