Nuk zmbrapset Rama: S’ka hapje të kufirit Kosovë-Shqipëri, Mini-Shengeni hap kufijtë e gjithë rajonit

Kryeministri i Shqipërisë, duke folur për iniciativën e Mini-Shengenit, ka thënë se vendimi për të mos iu bashkuar kësaj nisme po dëmton e Kosovën.

Ai ka folur edhe për kufirin Kosovë- Shqipëri.

Rama është shprehur se hapja e kufirit mes Kosovës dhe Shqipërisë, që sipas tij përmendet gjithmonë për çështje votash, nuk do të ndodhë.

“Më lejoni të ju sjellë në vëmendjen tuaj një fakt shumë të thjeshtë që i shpjegon të gjitha. Ka 20 ose 30 vjet që sa herë që duhen marrë vota ose duhet bërë politikë predikohet hapja e kufirit të Shqipërisë me Kosovën”.

Lexo po ashtu Haradinaj: Nuk kemi nevojë për një Mini Shengen me kryeqytet Serbinë

“Kufiri nuk hapet dhe nuk hapet jo thjeshtë sepse çohen në Beograd kundër kufirit, por sepse çohen në Washington dhe Bruksel. Sot me këtë nismë ne po themi që të hapim të gjithë kufijtë dhe nuk ka asnjë kusht”.

Rama ka thënë se do ta mirëkuptonte mospjesëmarrjen e Kosovës në këto takime rajonale nëse Serbia do të vendoste kushte ose do të kishte klauzola që e përjashtonin Kosovën nga marrëveshjet e mundshme.

Por, sipas tij, asnjëra nga këto – kushtet nga Serbia dhe klauzolat përjashtuese – nuk qëndrojnë.

Lexo po ashtu Rama e quan Haradinajn gënjeshtar

“Do të ishte për t’u konsideruar e papranueshme nëse mungesa këtu e Kosovës do të ishte rezultat i ndonjë kushti të vendosur nga Serbia. Nuk ka asnjë kusht”, theksoi Rama.

Kujtojmë se këtë të shtunë në Tiranë po mbahet takimi i tretë i vendeve të Ballkanit Perëndimor që do të diskutojnë projektin e Mini Shengenit ballkanik.

Në këtë takim në Tiranë po marrin pjesë liderët e Maqedonisë së Veriut, Malit të Zi dhe Serbisë, ndërsa mungon Kosova e ka refuzuar ftesën për të marrë pjesë në këtë takim. /Telegarafi/