Pas tri ditë aktivitetesh të shumta, sonte me ndezjen e flakadanëve në Prekaz ka përfunduar manifestimi Epopeja e lavdishme e UÇK-së, në 23-vjetorin e rënies heroike të komandantit të saj legjendar Adem Jashari dhe familjes së tij.
Shënimi i kësaj date të madhe në historinë e kombit shqiptar është mbajtur me një sërë aktivitetesh kulturore-sportive dhe homazhe në nderim të atyre që ranë për të mos vdekur kurrë.
Qytetarë nga të gjitha pjesët e Kosovës dhe trojet tjera shqiptare, për tri ditë radhazi kanë ardhur në Prekaz, për të nderuar dhe kujtuar jetën dhe veprën e komandant Adem Jashari dhe familjes së tij në betejën e lavdishme të 5, 6 e 7 marsit 1998.
Astrit Beka, qytetar i cili kishte ardhur në Prekaz për natën e zjarreve, tha se falë Adem Jasharit dhe UÇK-së populli shqiptar gëzon lirinë sot.
“Kjo është shumë me rëndësi se gjatë luftimeve këtu ka ardhur lajmi se ne kërkojmë liri. Këtë e ka bërë Adem Jashari. Ka dhënë shumë për Kosovën dhe falë tyre dhe ushtarëve të UÇK-së jemi ku jemi sot”, tha ai.
Genc Sabibaj, ish-ushtar i UÇK-së nga Mitrovica, tha se sakrifica e Jasharëve ka motivuar njerëzit për liri, ku sakrifica e tyre po nderohet prej të gjithë shqiptarëve.
“Ka rëndësi për gjithë popullin shqiptar, për sakrificën që kanë bërë për vendin, dhe të gjithë këta qytetarë tregojnë se sakrifica e tyre po nderohet, dhe mendoj që do të nderohet sa të ketë shqiptarë në këtë tokë. Edhe unë jam pjesë e UÇK-së, kam qenë në Prekaz ushtar, sigurisht ka ndikuar njerëzit janë mbështetur dhe janë motivuar prej sakrificës së Jasharëve, dhe sot e gëzojmë lirinë”, tha ai.
Selë Murmullaku, e cila kishte ardhur me familjen e saj për nder të natës së zjarreve, tha se kishte ardhur për të nderuar familjen Jashari.
“Unë kam ardhur këtu për të nderuar familjen Jashari… Familja e Jasharëve ka rënë dëshmorë për të mbrojtur kombin e tyre që ne sot të jemi të lirë, të flasim të lirë dhe të mund të vijmë në këtë vend të lirë”, tha ajo.
Në mesin e qytetarëve që morën pjesë në manifestimin Nata e Zjarreve ishte edhe Mirahat Veseli nga Tetova,
“Nata e zjarreve, 5,6,7 mars janë beteja heroike e Jasharëve kundër forcave serbe, gjithë shqiptarët kudo që janë krenar me veprën e Jasharëve”, tha ai.
Ndryshe, manifestimi nisi më 5 mars, ku fillimisht në të gjitha shkollat e Republikës së Kosovës ora e parë mësimore iu kushtua Epopesë së UÇK-së, familjes Jashari dhe të gjithë dëshmorëve dhe të rënëve për liri.
Po në të njëjtën ditë janë mbajtur seanca solemne nëpër të gjitha Kuvendet Komunale, është hapur ekspozita “Kujtesa e Kosovës – Adem Jashari – rrëfime për të bëmat dhe heroizmin”, në Bibliotekën Kombëtare, si dhe është mbajtur parada e FSK-së në Kazermën “Adem Jashari”, në Prishtinë.
6 marsi ka nisur me homazhe në Kompleksin Memorial “Adem Jashari”, në Prekaz, ekspozita me fotografi, si dhe ka përfunduar me një akademi përkujtimore në Prishtinë.
Në ditën e tretë të manifestimit është mbajtur një turnir në shigjetari në Skenderaj dhe një tjetër i shahut në Prishtinë.
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën