​Qeveria hap çerdhet, kufijtë tokësorë, gastronominë, qendrat tregtare

E plotësuar: Kryeministri në detyrë, Albin Kurti është deklaruara para mediave pas përfundimit të mbledhjes.

“Është e domosdoshme që të gjitha udhëzimet, këshillat e IKSHPK-së, të jenë të respektuara në plotni dhe gjithashtu t’i ndjekim me vëmendje vendimet e ardhshme të ministrisë së Shëndetësisë”, tha Kurti.

Ai tha se një ndër vendimet e rëndësishme është ai për lehtësimin e mëtutjeshëm të masave, në ballafaqimin me pandeminë COVID-19.

“Së pari i falënderohemi të gjithë qytetarëve të cilët kur këto masa ishin tejet rigoroze me një kulturë të jashtëzakonshme, e disiplinë që buronte nga ndërgjegjja njerëzore me një përmasë të pashembullt kanë respektuar të gjitar vendimet e qeverisë, përkatësisht ato të ministrisësë Shëndetësisë dhe këshillat e mjekëve të IKSHPK-së. Atëherë ishte koha kur ne kishim nevojë për masa rigoroze e disiplinë të skajshme, nga nesër mund të fillojmë me një hapje që s’është absolute dhe e plotë”, tha Kurti.

Më tej shtoi se konkretisht ajo çfarë po bëhet është se po hapin kufijtë dhe çerdhet për moshat nga 0 deri në 5 vjeç, në institucionet publike dhe private.

“Po bëjmë organizimin  dhe përgatitjet për testin e arritshmërisë, organizmin e ambientimin për testin e maturës me nxënësit e klasave të 12-ta, kthimi i klasave të 12-ta prej datës 15 qershor dhe mbajtja e testi të maturës me 4 korrik. Do të bëhet edhe lejimi  orëve praktike, duke zbatuar në mënyrë strikte rekomandimet e IKSHPK-së.Me datën 13 mars e patëm marrë vendimin për t’i mbyllur kufijtë tokësorë të Kosovës, sot shfuqizuam pikën 4 të atij vendimi dhe në këtë mënyrë hapim kufijtë por të gjithë që hyjnë në Kosovë obligohen t’i nënshtrohen kontrolleve nga ekipet  QKMF-së.Kemi shfuqizuar edhe pikën 6, me të cilën mbylleshin kafiteritë, restorante dhe Qendrat Tregtare, pra nga nesër hapen.E kemi shfuqizuar edhe pikën 9, me të cilën patëm reduktuar veprimet dh stafin për çdo institucion publik, pra tash nuk ekziston reduktimi i tillë. I kemi shfuqizuar edhe pikën 1.3 të një vendimi të Qeverisë me datën 7 mars lidhur me ushtrimin e punës së barnatoreve”, tha Kurti.

Qeveria në detyrë ka miratuar propozimin e ministrit në detyrë të Shëndetësisë, Arben Vitia, për shfuqizimin e vendimit të Qeverisë për masat anti-Covid.

Vitia para kabinetit qeveritar ka propozuar që nga data 8 qershor të hapen çerdhet për moshat 0 deri në 5 vjeç.

Ai në mbledhjen e Qeverisë ka kërkuar të shfuqizohet vendimi i datës 26 mars.

I pari i MSH-së gjithashtu ka propozuar të bëhet rikthimi në shkolla nga data 15 qershor e deri më 30 qershor i nxënësve të klasave të nënta.

Vitia po ashtu tha se lejohet të organizohet edhe testi i maturës, ai i arritshmerisë, të lejohet organizimi i provimeve dhe lejimi i orëve praktike.

Ai ka propozuar gjithashtu edhe hapjen e kufijve tokësorë.