Duke pasur parasysh deficitin e lartë tregtar si rezultat i situatës së pafavorshme në të cilën ndodhen prodhuesit në Kosovë dhe mungesën e tërheqjes së investimeve të jashtme në këtë sektor si rezultat i politikave jo të mirëfillta fiskale në të kaluarën të cilat kanë penguar zhvillimin e këtij sektori, Oda Ekonomike Amerikane në Kosovë (OEAK), i bënë thirrje edhe një herë Ministrisë së Financave dhe Qeverisë së Kosovës që të kompletojë reformën e iniciuar fiskale.
Veç kësaj, OEAK kërkon një veprim i tillë i cili do të mundësonte krijimin e vendeve të reja të punës, aq shumë të nevojshme për përmirësimin e mirëqenies së qytetarëve.
Në këtë kontekst, Oda Amerikane kërkon finalizimin e Udhëzimit Administrativ për Pushimet Tatimore, por edhe zgjerimin e mëtejmë të listës së lëndëve të para të liruara nga ngarkesat doganore, në kuadër të Ligjit për Mallrat e Liruara nga Detyrimet Doganore dhe me Tarifë Zero, i cili i jep diskrecionin për një vendim të tillë Ministrisë së Financave, respektivisht Qeverisë së Kosovës. Në mënyrë që Udhëzimi Administrativ për Pushimet Tatimore të sigurojë rezultatet e duhura, Oda Amerikane kërkon nga Qeveria që në draftin final të përfshijë rekomandimet e asociacioneve të biznesit.
“Marrëveshja e Stabilizim Asociimit me Bashkimin Evropian, e fuqizuar me 1 prill, ka hapur një kapitull të ri në tregtinë e jashtme të Kosovës, me përfitime të shumta por edhe me presion të shtuar konkurrues, për të cilat sektori privat, respektivisht industria prodhuese e vendit duhet të reagojë me investime në zgjerimin e kapaciteteve dhe ngritjen e vazhdueshme të cilësisë konform standardeve të aplikuara në BE. Qasja e pakufizuar në një treg të madh siç është tregu i Bashkimit Evropian për produktet e prodhuara në Kosovë, padyshim se do të jetë një element atraktiv për investitorët nga Shtetet e Bashkuara të Amerikës dhe shtetet e tjera, dhe për këtë kërkohet pasurimi i ofertës fiskale. Kjo vetëm se do të plotësonte elementet e tjera të ofertës së vendit për investitorët, siç është pozita e përshtatshme gjeografike, burimet e shumta natyrore dhe kapitali njerëzor”, thekson komunikata e kësaj ode shkruan Telegrafi.
Oda Amerikane beson fuqishëm që lirimet e tilla do të stimulojnë aktivitete të shtuara ekonomike të cilat rrjedhimisht do të minimizonin efektet potenciale të lirimeve të tilla në të hyrat buxhetore. Rritja e të hyrave të mbledhura gjatë vitit 2015, pavarësisht heqjes se Tatimit mbi Vlerën e Shtuar për makineritë dhe lëndët e para në tremujorin e fundit te vitit te kaluar janë dëshmia më e mirë për këtë. Qeveria e Kosovës duhet që përfundimisht të barazojë ofertën e saj për promovimin e investimeve, me atë te vendeve të rajonit. Oda Ekonomike Amerikane shpreh shqetësimin e saj se çdo vonesë në miratimin e Udhëzimit Administrativ për Pushimet Tatimore por edhe nxjerrjen e vendimeve të tjera për stimuj fiskal do të jetë një mundësi e humbur për promovimin e një pakoje gjithëpërfshirëse fiskale para investitorëve potencialë. /Telegrafi/
Lufta Prigozhin - Putin
Më shumë"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Florin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë