“Qërim hesapesh” në ndërtesën e Presidencës, publikohet videoja e përplasjes ndërmjet Vuçiqit dhe Jeremiqit

Partia Popullore e Serbisë ka publikuar në llogarinë e saj në Twitter një video nga Presidenca e Serbisë ku shfaqet një ngjarje e ndodhur dy ditë më parë.

Sipas medieve serbe, përcjell Telegrafi, bëhet fjalë për pamje që tregojnë një moment të një incidenti presidentit të Serbisë, Aleksandar Vuçiq dhe presidentit të Partisë Popullore në opozitë, Vuk Jeremiq.

“Vuçiq tha se Vuk Jeremiq, Miki Aleksiq, Vladimir Gajiq dhe Bora Novakoviq u trembën dhe ikën nga Presidenca. Por, këtu është një video ekskluzive, si ndodhi në të vërtetë”, thuhet në përshkrim.

Ndryshe, një përplasje verbale ndërmjet presidentit Vuçiq dhe presidentit të Partisë Popullore të Serbisë ka ishte raportuar të kishte ndodhur në hyrje të ndërtesës së Presidencës.

Rekao je @avucic da su se Vuk Jeremić, Miki Aleksić, Vladimir Gajić i Bora Novaković uplašili i pobegli iz Predsedništva.

⚠️ Ali, evo EKSKLUZIVNOG SNIMKA, kako je bilo…@jeremic_vuk @MiikiAleksic @bora_novakovic @vladimirgajic1 pic.twitter.com/YpEpOfe0kn

— Narodna stranka (@StrankaNarodna) June 27, 2021

Një gjë e tillë, siç është thënë, ka ndodhur pasi Vuçiq ftoi liderët e Partisë Popullore në një luftë, ata u paraqitën në vendin e punës të presidentit të premten, siç thanë në atë kohë, për ta pyetur “a është normale që ai t’i ftojë në një luftë”.

Dhe pasi ata ishin larguar nga Presidenca, Jeremiq kishte përshkruar atë që kishte ndodhur në ndërtesë.

“Vuçiq zbriti, me katër ose pesë nga sigurimi, dhe filloi të dridhej, të bërtiste,… Ai bërtiti ‘Hajde më godit’. Kishte sigurim përreth tij. E pyeta ku donte. Por ai nuk u lejua të dilte jashtë. Ai shau dhe ofendoi, bërtiti dhe kërcënoi Aleksiqin. Ai më tha ‘hajdut’. Unë jam një ‘tradhtar’ për të. E pyeta nëse mund ta thoshte atë në RTS dhe para kamerës. Ai tha se nuk guxon ta bëjë”, kishte përshkruar ngjarjen Jeremiq. /Telegrafi/