Ylli shqiptar i muzikës botërore, Rita Ora ka lansuar projektin më të ri muzikor.
Kënga mban titullin “Follow Me” dhe erdhi në bashkëpunim me DJ Sam Feldet.
31-vjeçarja ka njoftuar fansat se kënga është publikuar përmes disa imazheve të shkëputura nga xhirimet e videoklipit.
Foto: Rita Ora/Instagram
“Follow Me është publikuar!! Ne jemi argëtuar shumë në këtë, shpresoj që do ta doni aq sa e duam ne”, ka shkruar Rita në mbishkrimin e imazheve.
Foto: Rita Ora/Instagram
Rita edhe më herët kishte folur lidhur me projektin e ri, këngëtarja ishte shprehur se kënga “Follow Me” shërben si një kujtesë për ne që të rrethohemi me njerëz që na ndërtojnë dhe qëndrojnë pranë nesh.
Foto: Rita Ora/Instagram
“Muzika ritmike ka pasur gjithmonë një vend të veçantë në zemrën time, kështu që të qenit në gjendje të punoja me Sam në ‘Follow Me’ ka qenë fantastike. Ai është një legjendë e tillë dhe ka qenë nder të punoj me të në këtë pistë. Mezi pres që fansat ta dëgjojnë dhe të shohin videon e mrekullueshme që kemi bërë!”, ka deklaruar Ora.
Ndërkohë, bashkëpunimi i ri i krijueses së hitit "Anywhere", aktualisht mund të dëgjohet në platformën Spotify.
Foto: Rita Ora/Instagram
Ndryshe, Rita krahas karrierës dhe projekteve që po punon, ajo aktualisht po shijon romancën me regjisorin, Taika Waititi. /Telegrafi/
