Publikohen pamjet e arrestimit të djalit të El Chapo-s, që shkaktoi luftë me kartelin e drogës në Meksikë

Një video që thuhet se është publikuar nga Qeveria meksikane tregon momentin kur forcat e sigurisë kapën Ovidio Guzman Lopez, një drejtues i kartelit Sinaloa dhe djali i Joaquin “El Chapo” Guzman.

Sipas mediave të huaja, përcjell Telegrafi, bëhet fjalë për aksionin e organizuar në qytetin e Culiacan më 17 tetor.

Guzman është parë duke u dorëzuar tek autoritetet, të cilët i kërkojnë që të bëjë një telefonatë tek një bashkëpunëtor i kartelit për t’i kërkuar luftëtarëve të kartelit të ndalojnë sulmin.

Megjithatë, autoritetet meksikane përfundimisht e liruan Guzmanin pasi karteli Sinaloa mori kontrollin në pjesën më të madhe të qytetit.

Lexo po ashtu Pamje që ngjajnë me të luftës: Arrestohet djali i El Chapo-s, përleshje të ashpra me armë midis kartelit të drogës dhe forcave të sigurisë në Meksikë

Madje, ata kishin marrë peng disa ushtarë në një pjesë tjetër të qytetit dhe kishin rrethuar një kompleks strehimi për familjet e personelit ushtarak.

Ndryshe, siç ishte raportuar, Ivan Archivaldo Guzman, 39 vjeç, dhe vëllai Ovidio Guzman Lopez, 28 vjeç, u tha se u tentua të arrestoheshin kur 35 trupa bastisën një shtëpi në Culiacan, në shtetin Sinaloa të Meksikës.

Siç bëhet e ditur tutje, autoritetet meksikane donin të arrestonin Ovidio me një kërkesë ekstradimi të vitit 2018 nga SHBA.

Lexo po ashtu I shpëtoi policisë, vëllai i madh liroi edhe të voglin - zbulohet skenari i masakrës midis kartelit të drogës dhe forcave policore në Meksikë

Por, burime të New York Times kishin thënë se pasi Ivan u kap gjatë bastisjes, “shokët e tij” shin në gjendje të mposhtnin trupat shpejt dhe të fitonin lirimin e tij.

Ivan u tha se kishte organizuar atë që do të bëhej shfaqja e forcës që e ktheu Culiacan-in në një zonë të luftës urbane për tetë orë, të gjitha në një përpjekje për ta liruar vëllanë e tij. Ai mbajti peng disa prej trupave.

Kështu autoritetet u detyruan përfundimisht të lëshonin Ovidio pasi e gjetën veten të pafuqishëm gjatë shkëmbimit të egër me pjesëtarët e Sinaloa Cartel, nga ky mbetën tetë të vdekur dhe më shumë se 20 të plagosur. /Telegrafi/