Publikohen emrat artistëve pjesëmarrës dhe datat kur do të performojnë në “Sunny Hill”

Vetëm dy ditë na ndajnë nga festivali i madh veror, “Sunny Hill”, i cili edhe sivjet mbahet në Parkun e Gërmisë, në Prishtinë.

Në datat: 2, 3 dhe 4 gusht do të ngjiten plot artistë të famshëm vendorë, në mesin e tyre edhe tre emra të njohur ndërkombëtarë: Miley Cyrus, Gashi dhe Calvin Harris.

Tashmë janë publikuar edhe listat e plota, duke treguar datat në të cilat do të performojnë secili artist përkatës.

Në rrjetin social Instagram, festivali “Sunny Hill” ka bërë të ditur se natën e parë sivjet do ta nisë me emrat si: Elvana Gjata, Njomza, Col3trane, Ilira, Yll Limani, Kejsi Tola, Xuxi, Bojken Lako, Art Lokaj, Zhagg, Tuti Turumtu dhe e fundit që do të pëerformojë është ylli ndërkombëtar, Miley Cyrus.

https://www.instagram.com/p/B0lFqDMlmUW/

Ndërkohë, nata e dytë e cila njihet si nata e muzikës hip-hop do të sjellë në skenë rep-artistët si: Gashi, Ledri Vula, Lumi B, PINT, Barny Fletcher, Kida, Buta, Nush, Gamblemania, DJ Flow dhe DJ PM me DJ Dagz.

https://www.instagram.com/p/B0lF5CNF6qu/

Ndërsa sa i përket natës së tretë, përkatësisht natës së fundit, të ftuar për të performuar do të jenë emrat e njohur të muzikë elektronike si: Generik, Meduza, Bondax, Mark dhe Kremont, Karma Kid, Klangkarussell, Rrrron, Kamu Aksell, Astrit Kurtaim, Tchako, Ampov dhe përmbyllja me super yllin Calvin Harris.

https://www.instagram.com/p/B0lGJKEFO3i/

Festivali “Sunny Hill” këtë vit ka sjell emra të shumta nga mbarë bota, teksa si spektatore VIP do të jetë ajo që performoi vitin e kaluar, artistja shqiptare me famë ndërkombëtare – Dua Lipa. /Telegrafi/

https://www.instagram.com/p/B0VaRztF-3j/