PSG ulë çmimin e Neymarit

Klubi francez, Paris Saint-Germain thuhet se kanë ulur çmimin e tyre të kërkuar për yllin brazilian, Neymar.

Reprezentuesi brazilian, i cili mungon në Copa America për shkak të lëndimit, ka qenë i lidhur me një largim nga klubi francez dhe një kthim në Camp Nou para sezonit 2019-20.

Më parë, ekipi i Thomas Tuchel kërkonte një pagesë prej 250 milionë euro për sulmuesin 27-vjeçar, një fitim prej 30 milionë eurosh nga shifra rekord që ata paguan në vitin 2017 për ta sjellë atë në Ligue 1.

Lexo po ashtu Barcelona dëshiron dy goditje të mëdha, përveç Griezmannit edhe Neymari pritet të rikthehet në Camp Nou

Neymar gjithashtu grumbullonte 350 milionë euro për një kontratë pesë vjeçare të propozuar klubi parisien.

Megjithatë, sipas gazetës Marca, tani PSG është e gatshme të pranojnë një çmim prej 200 milionë eurosh për ta lënë të lirë Neymarin, pasi ata kanë humbur besimin në aftësinë e tij për t’i udhëhequr ata drejt trofeut në Ligën e Kampionëve.

Drejtuesit e klubit nga Parc des Princes gjithashtu po bëhen gjithnjë e më të shqetësuar nga sjellja e tij jashtë fushe dhe largimi është i pashmangshëm.

Lexo po ashtu Barcelona i vendos tri kushte Neymarit për ta rikthyer në Camp Nou

Ky është potencialisht një zhvillim interesant, pasi nuk ishte një kërkesë nga kampionët e La Ligës, Barcelona, për të ulur çmimin, por një vendim i vet bordit të PSG-së.

Blloku kryesor i pengesës duket të jetë kërkesa e pagës nga braziliani, i cili aktualisht fiton rreth 36 milionë euro në sezon dhe Barcelona do të kërkojë që ai të ulë atë nëse dëshiron të kthehet në klub. /Telegrafi/