Renato Sanches do të largohet nga Paris Saint Germain vetëm pas një viti qëndrim në Parc de Princes.
Mesfushori portugez iu bashkua kampionëve në fuqi të Francës për shumën e 15 milionë eurove në verën e vitit të kaluar nga Lille.
Por aventura në kreyqtetin francez nuk ka qenë më e mira, pasi Sanches nuk ka arritur të lë gjurmë dhe nuk është një titullar.
Parisienët janë të gatshëm ta shesin në verën dhe tanimë i kanë bërë të qartë Sanchesit se duhet të shikojë mundësi të tjera.
Kampioni në fuqi i Francës tanimë i ka caktuar edhe çmimin e largimit dhe dëshiron 25 milionë euro për ta lënë të lirë.
E ardhmja e mesfushorit portugez duket se do të jetë në Angli ku skuadra si Liverpool, Tottenham Hotspur, Newcastle United, Aston Villa dhe Wolves janë duke monitoruar situatën e tij.
Interesim për Sanchesin sipas 90min ka shfaqur edhe gjiganti italian AC Milan që edhe më parë kërkonte transferimin e tij.
Largimi i tij nga PSG duket i kryer, por tani Sanchesit i mbetet të vendos për klubin e tij të ri. /Telegrafi/
