PSG merr një fitore të rëndësishme në udhëtim te Basaksehir

Paris Saint-Germain ka fituar si mysafir i Istanbul Basaksehir me rezultat 2-0 në ndeshjen e vlefshme për fazën e grupeve në Ligën e Kampionëve.

Kampioni francez ka marr një fitore të vështirë, por shumë të vlefshme ndaj turqve në takimin e zhvilluar në ‘Basaksehir Fatih Terim Stadium’ në Stamboll, me hero sulmuesin italian, Moise Kean.

Pjesa e parë e ndeshjes u karakterizua me lojë për një nuancë më të mirë nga PSG, e cila menaxhoi lojën dhe krijoi shumë, por pa arritur t’i ndryshojnë shifrat.

Lexo po ashtu Probleme për PSG-në ndaj Basaksehirit, Neymar lëshon fushën i lënduar

Gjëja e vetme që vlen të ceket në pjesën e parë është lëndimi i yllit brazilian, Neymar, i cili u detyrua ta lëshoj fushën në minutën e 25-të.

0⃣-0⃣. at the break

Plenty to do in the second half. 👊 #IBFKPSG

🔴🔵 #AllezParis pic.twitter.com/s2o6rA4nWq

— Paris Saint-Germain (@PSG_English) October 28, 2020

Në pjesën e dytë, parisienët treguan më shumë karakter duke arritur t’i konkretizojnë rastet dhe të sigurojnë fitoren.

Ishte dyshja Kylian Mbappe dhe Moise Kean që e shpartalluan klubin turk me dy gola si produkt bashkëveprimi.

Mbappe asistoi në minutën e 64-të për Kean, i cili shënoi me kokë për 0-1, ndërsa në minutën e 79-të përsëri ishte sulmuesi italian që shënoi për 0-2 pas asistimit të francezit dhe me këtë rezultat u mbyll ndeshja.

Une victoire qui fait forcément du bien ! 💪#IBFKPSG ✅

🔴 𝐴𝐿𝐿𝐸𝑍 𝑃𝐴𝑅𝐼𝑆 🔵 pic.twitter.com/A4dfJNaIzx

— Paris Saint-Germain (@PSG_inside) October 28, 2020

Pas kësaj fitore, PSG e sheh veten në pozitën e dytë me tri pikë, ndërsa Basaksehir në vendin e fundit pa pikë.

Në ndeshjen e radhës, francezët udhëtojnë te RB Leipzig, ndërsa turqit e presin Manchester Unitedin. /Telegrafi/

KEAN TURNING UPPPPP https://t.co/i25zQ1RoGS

— Galu 🇦🇷 (@PSGalu) October 28, 2020

https://twitter.com/enaz_ahamed/status/1321536942199033856