PSG mendon të lirojë Pochettinon për të kaluar te Man Utd në fund të sezonit

Paris Saint-Germain nuk ka ndërmend të lërë Mauricio Pochettino të largohet për tek Manchester Unitedi në gjysmë të sezonit, por ata janë të hapur për negociata kur të mbyllet sezoni 2021-22.

Argjentinasi është shfaqur si një nga kandidatët kryesorë për të marrë drejtimin në mënyrë të përhershme pas shkarkimit të Ole Gunnar Solskjaer fundjavën e kaluar.

Sipas mediumit Goal.com, ndërsa nuk ka asnjë perspektivë që ai të marrë drejtimin në javët e ardhshme, perspektiva mund të jetë e ndryshme për Djajtë e Kuq këtë verë.

Lexo po ashtu Ferguson dëshiron që Pochettino të zëvendësojë Solskjaerin te Manchester Unitedi

Manchester United po përgatitet të njoftojë ardhjen e Ralf Rangnick si trajner në mënyrë të përkohshme për gjashtë muaj deri në fund të sezonit, por kuptohet se plani i tyre afatgjatë është të punësojë një trajner tjetër.

Rangnick do të përfshihet në vendimmarrjen për menaxherin e ri pasi ai pritet të marrë një rol konsulenti dyvjeçar pas kohës së tij gjashtëmujore në krye.

Sipas Goal, Pochettino mbetet zgjedhja e parë për t’u bërë menaxher i përhershëm, por është një situatë që mund të ndryshojë.

Lexo po ashtu Rashford, Maguire dhe Fernandes preferojnë një trajner tjetër dhe jo Rangnick

Kuptohet se Unitedi dhe PSG folën përmes ndërmjetësve në fillim të javës, ku u bë e qartë se francezët nuk do ta lejonin menaxherin e tyre të largohej menjëherë. Nuk ka pasur asnjë kontakt apo ofertë zyrtare mes dy klubeve.

Rangnick ende nuk është shpallur zyrtarisht si menaxher, që do të thotë se i përkohshmi aktual Michael Carrick do të jetë përgjegjës për udhëtimin e sotëm (e diel) në Stamford Bridge. /Telegrafi/