Pse nuk duhet t’i dënoni fëmijët dhe si të veproni në vend të kësaj
Kur zemëroheni me fëmijën për shkak të sjelljes së keqe, mënyra më e lehtë për ta “mësuar” atë është duke përdorur ndonjë lloj dënimi – siç është marrja e lodrave të preferuara, detyrimi për të fjetur më herët, etj.
Megjithëse mund të mendoni se e keni arritur qëllimin dhe e keni ndalur sjelljen e keqe, psikologët besojnë se dënimi sjell vetëm rezultate të përkohshme, transmeton Telegrafi.
Në vend të kësaj, ata sugjerojnë të përdorni mënyra tjera efektive për t’i rritur fëmijët të cilat mund t’ju ndihmojnë në periudhë afatgjate.
Por, fillimisht, ata kanë treguar arsyet se përse dënimi është i dëmshëm për ju dhe për fëmijën.
1. Dënimi nënkupton se jeni duke e tepruar. Zakonisht e ndjeni nevojën ta dënoni fëmijën kur ai me vetëdije apo pavetëdije ju lëndon me veprime të veta. Në këtë rast e keni të vështirë të qëndroni të qetë, prandaj e dënoni me metoda të ndryshme për ta bërë edhe fëmijën ta ndjejë dhimbjen. Këto shkaktojnë emocione negative për ju dhe për fëmijën dhe mund të shpijnë në pasoja serioze.
2. Është sjellje dembele. Dënimi është forma më e lehtë e komunikimit me fëmijën – ai/ajo bën diçka që nuk ju pëlqen dhe ju bëni diçka që atij/asaj nuk i pëlqen. Pra, pa negociata apo shpjegime. Kjo nuk është mënyra e duhur për ta rritur një fëmijë të shëndetshëm e të lumtur.
3. E ndalon fëmijën ta zhvillojë vet-disiplinën. Detyra kryesore ep prindërve është ta rrisin një person që është i gatshëm të merr vendime të bazuara në eksperiencë. Por nëse e dënoni fëmijën dhe nuk i tregoni për pasojat e veprimeve të tyre, fëmija nuk do të jetë i aftë ta kuptoj çka është mirë e çka gabim.
4. Dënimi nuk e ndryshon sjelljen e fëmijës. Fëmijët nuk mund të mësojnë kur ndihen të frikësuar, të pa respektuar apo rebelë. Dhe pikërisht këto ndjenja i kanë kur i dënoni. Prandaj duhet të gjeni mënyra tjera të edukimit të fëmijëve.
5.Dënimet e ulin vetëbesimin e fëmijës. Në shumicën e rasteve, fëmijët dënimin e perceptojnë që prindërit nuk po e duan dhe se ka diçka gabim me ta. Kjo është e dëmshme për shëndetin mendor të fëmijës dhe shkakton probleme serioze psikologjike në të ardhmen e fëmijës.
Përveç këtyre, dënimi i fëmijës po ashtu e promovon frikën, e dëmton lidhjen mes prindit dhe fëmijës, etj.
Si mund të veproni në vend se ta dënoni fëmijën?
* Mendoni në mënyrë strategjike. Nëse e dini se fëmija sillet keq kur jeni duke blerë gjëra ushqimore në dyqan, atëherë planifikoni gjërat paraprakisht – merrni pak ëmbëlsira me vete për ta shpërqendruar ose ndonjë lodër.
* Shfaqjani dashurinë tuaj. Ndonjëherë, kur fëmija është duke u zemëruar, krejt çfarë duhet të bëni është t’i thoni se dëshironi ta përqafoni. Në këtë rast fëmija me shumë gjasë mund ta harroj arsyen se përse po sillet keq dhe të nxitoj t’ju përqafoj.
* Gjejeni arsyen se përse fëmija po sillet keq. Vetëm flisni me fëmijët kur janë në disponim të mirë dhe pyetni se përse sillen keq. Mund të ketë arsye prapa sjelljes së tyre dhe mund ta zgjidhni atë problem.
* Caktoni rregulla së bashku. Kjo është mënyrë e mirë për ta mësuar vet-disiplinën.
* Mësojeni fëmijën të merr përgjegjësi për veprimet veta. Nëse fëmija aksidentalisht e derdh gotën me qumësht, dënimi nuk është mënyra më e mirë për ta rritur atë. Në vend të kësaj, ju duhet ta mësoni të merr përgjegjësi për veprimet e veta duke e nxitur t’ju ndihmojë ta pastroni rrëmujën e shkaktuar. /Telegrafi/
Burimi: Bright Side
Lufta Prigozhin - Putin
Më shumëUdhëzuesi i Kendall Jenner për veshjet pranverore? Pa një bluzë apo këmishë!
Si ta lehtësoni dhe mjekoni kapsllëkun te foshnjat dhe fëmijët
Qindra emra shqiptarë dhe ilirë për fëmijën tuaj
Unë vishem vetë!
Maska më e mirë kundër zbokthit
Mami! Po më dhemb koka!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre