Propaganduesi i Putinit: Berlini, Dresdeni, Praga, Lubjana – të gjithë do të jenë tonat

Një i ftuar në televizionin shtetëror rus sugjeroi se Rusia, pas Ukrainës, mund të lëviz drejt vendeve të tjera evropiane.

Paralajmërimin e bëri analisti dhe eksperti për Kinën, Nikolay Vavilov, gjatë një paraqitje të ftuar në emisionin “60 Minutat e Olga Skabeyeva”, raporton newsweek.

Lexo po ashtu Fëmijët rusë detyrohen të mësojnë gënjeshtra dhe propagandë për luftën në Ukrainë

Vavilov tha se në të kaluarën Rusia ishte e pranishme në të gjithë Evropën, kryesisht në Francë dhe Gjermani dhe se kjo do të ndodhë sërish në të ardhmen.

‼️ «Russia is the greatest country in the world, Berlin, Dresden, Prague, Ljubljana, Paris will be ours», – Russian propagandist Nikolay Vavilov on Skabeyeva's show pic.twitter.com/6PEUwZZeON

— Anton Gerashchenko (@Gerashchenko_en) August 7, 2023

Një pjesë e paraqitjes së tij televizive filloi të përhapet në rrjetet sociale, të cilin e ka shpërndarë edhe këshilltari i ministrit të Punëve të Brendshme të Ukrainës, Anton Gerashchenko.

“Ne do të marrim gjithnjë e më shumë rolin që kishte Perandoria Ruse. Nuk po bëja shaka. Berlini, Dresdeni, Praga, Lubjana – gjithçka do të jetë e jona. Pse? Sepse kështu ishte. E shihni, kur ne hymë në Paris në vitin 1815 dhe në Berlin në 1945 dhe në fund të shekullit të XVII-të – kjo nuk është rastësi”, tha ai.

Ndryshe, përkundër pretendimeve të Vavilovit për fuqinë e Rusisë, analistë të shumtë kanë kritikuar veprimet e ushtrisë ruse. /Telegrafi/