Pronari kryesor zbulon se si Unai Emery e impresionoi gjatë intervistës për trajner të Arsenalit

Pronari i shumicës së aksioneve te Arsenali, Stan Kroenke ka zbuluar se si Unai Emery e impresionoj me “njohuritë rreth futbollit”.

Trajneri 46-vjeçar zyrtarisht është konfirmuar si pasardhës i Arsene Wengerit pas një qëndrimi dyvjeçar n krye të klubit të Paris Saint-Germain.

A new dawn. A new era. A new chapter.#WelcomeUnai pic.twitter.com/kGrE2gMLQl

— Arsenal FC (@Arsenal) May 23, 2018

Amerikani deklaroi se spanjolli ka përvojën e duhur për t’i sjell trofe skuadrës së Arsenalit.

“Ne jemi të kënaqur të mirëpresim Unain në Arsenal”, tha Kroenke për ueb-faqen zyrtare të klubit.

“Ai është një fitues i provuar. Jemi të bindur se është personi i duhur për punën dhe se do të punojë për t’i sjellë tituj tifozët, stafit dhe të gjithë ata që e donë Arsenalin. Disa gjëra u dalluan gjatë intervistës së tij dhe gjatë procesit; njohuritë rreth futbollit, energjia, përcaktimi dhe dashuria ndaj futbollit”.

“Njohja e tij rreth klubit dhe lojtarëve tanë, Ligës Premier dhe ndeshjet në Evropë ishin të gjitha shumë mbresëlënëse”.

“Ai ka vizion sikur ne për të ecur përpara, për të ndërtuar platformën e krijuar nga Arsene Wenger dhe për të ndihmuar këtë klub të gëzojë suksese më të mëdha”, tha amerikani.

Ndryshe, Emery ka fituar titullin e kampionit të Francë me PSG-në si dhe tre trofe të njëpasnjëshëm të Ligës së Evropës me Sevillën. /Telegrafi/