Prishtina është zgjuar vonë nga gjumi në ndeshje me Tsmoki Minsk, duke e mbyllur takimin me humbje 50:57.
Djelmoshat e Ahmet Kandemir e nisëm mjaft mirë ndeshjen të udhëhequr nga Dardan Berisha që shënoni 7 pikë në çerekun e parë për ta dërguar skuadrën e tij në epërsinë prej 23:21.
Por çereku i dytë ishte shumë i dobët për Prishtinën që arriti të shënojë vetëm tri pikë për 10 minuta.
Berisha në këtë çerek nuk e qëlloi asnjëherë cakun, ndërsa edhe lojtarët e tjerë nuk parë paraqitje të mirë.
Sigal Prishtina e mbylli pjesën e parë në disavantazh me rezultat 36:26.
Edhe çereku i tretë ishte shumë i dobët për të dy skuadrat që gjithsej shënuan 16 pikë, ndërsa Prishtina shënoi shtatë.
Në çerekun e fundit Prishtina e mbylli në epërsi 17:12, por që nuk i mjaftoi që ta fitojë ndeshjen.
Ndeshja u mbyll me rezultat 50:57.
Loja e karakterizua me shumë gjuajtje për tri pikë, që shumica prej tyre nuk u futën në kosh, ndërsa nuk munguan as gabimet.
Berisha ishte më i miri te Prishtina me 14 pikë, ndërsa te mysafirët Chris Czarapowicz me 17 pikë.
Prishtina do ta tentojë kualifikimin në ndeshjen kthyese që zhvillohet në Bjellorusi pas dy ditësh. /Telegrafi/
