Princ Harry dhe Meghan emërohen në listën e 100 njerëzve më me ndikim në botë nga revista “Time”

Princ Harry dhe Meghan Markle thanë së janë të nderuar që janë emëruar në mesin e 100 personave më me ndikim në botë nga revista “Time”.

Në kopertinën e revistën shihet Meghan e veshur në të bardha, ndërsa prapa saj shihet Princ Harry i veshur me kostum me ngjyrë të zezë. Ndërsa brenda revistës është përfshirë edhe një fotosesion unik i tyre, shkruan DailyMail.

Kritikët e quajtën kopertinën e revistës amerikane si një dominim i dukshëm nga Meghan në raportin e saj me Princ Harry, por i menjëhershëm ishte edhe reagimi i redaktorit të fotografisë së revistës “Time”, që deklaroi se fotografia përfaqëson ata si partnerë të barabartë.

Çifti iu përgjigjën emërimit në listën e njerëzve më me ndikim në botë me një postim në faqen e tyre të internetit Archewell.

“’Princi Harry dhe Meghan, Duka dhe Dukesha e Sussex, nuk janë vetëm të nderuar të jenë pjesë e këtij viti të “TIME 100” përmes fjalëve të mikut dhe partnerit Jose Andres, por edhe për të shkruar në lavdërim të Dr. Ngozi Okonjo-Iweala për listën vjetore të botimit të njerëzve më me ndikim”, shkruhet në postimin falënderues.

Fotografitë me shkëlqim shoqërohen nga një profil, i quajtur sycophantic nga kritikët, i shkruar nga miku dhe kuzhinieri i tyre Andres, bamirësia e të cilit World Central Kitchen është e dashur nga Sussexes dhe mbështetur financiarisht nga fondacioni I tyre ArcheWell në Indi dhe Karaibe.

Lista e personave më me ndikimi pasohet nga Naomi Osaka, Dolly Parton, Britney Spears dhe Alexei Navalny. /Telegrafi/