Prezantuesja qau gjatë një bisede me një ukrainas që rusët i vranë gruan dhe fëmijët

Prezantuesja e CNN-së, Erin Burnett shpërtheu në lot gjatë një bisede me një ukrainas, gruaja dhe fëmijët e të cilit u vranë.

Ukrainasi foli për herë të fundit me familjen një natë para vuajtjes së tyre dhe mësoi për vdekjen e tyre përmes Twitterit.

“Ne folëm në orën 22:00, edhe pse sinjali ishte i keq në atë kohë, arrita t’i marr dhe biseduam për një evakuim të mundshëm. Kolona nga të cilat ata po planifikonin të arratiseshin u sulmua në minutën e fundit”, tha ai.

Ai shtoi se gruaja dhe fëmijët e tij u përpoqën të arratiseshin në këmbë, por fatkeqësisht nuk mundën të shpëtonin veten.

“I saw a photo on Twitter and I recognized my children.” – Serhiy Perebyinis speaks with Erin Burnett about how he found out that his wife and two children had been killed in Russian shelling. pic.twitter.com/GlPe45diWy

— CNN (@CNN) March 17, 2022

Më pas ai shpjegoi se me ndihmën e gjeolokacionit të Google kuptoi se diçka nuk ishte në rregull, duke pasur parasysh se ai ndoqi familjen përmes kësaj teknologjie.

“Ata ishin në një vendndodhje të pazakontë në afërsi të Kievit, dhe më pas 20 minuta më vonë telefoni i saj celular ra nga një spital në Kiev. E dija se diçka nuk shkonte”, tha ai.

Meqenëse lëvizjet e familjes së tij ishin të pazakonta, ai kontaktoi miqtë për të parë se çfarë po ndodhte.

Menjëherë më pas, ai pa një foto të familjes së tij në Twitter.

“Unë e pashë atë foto në Twitter dhe njoha fëmijët e mi në të. I njoha gjërat e tyre, rrobat e tyre. Trupat e tyre ishin shtrirë në trotuar”, tha ai. /Telegrafi/